ریمبو کی بیوی اداکارہ صاحبہ نے شادی کے بعد کئی سال نیا سوٹ کیوں نہیں خریدا ؟حیران کن انکشاف

لاہور (قدرت روزنامہ )پاکستان شوبز انڈسٹری کی معروف اداکارہ اور افضل خان المعروف جان ریمبو کی اہلیہ صاحبہ نے اپنی شادی شدہ کامیاب زندگی کے بارے میں پہلی بار ذاتی نوعیت کی باتیں مداحوں کے ساتھ شیئر کر دی ہیں .

تفصیلات کے مطابق اداکارہ صاحبہ نے بتایا کہ مجھے لگتا ہے کہ میں شادی سے پہلے بھی تھوڑی بہت میچور تھی اور زندگی کی تلخ حقیقتوں سے واقف تھی اور کچھ دور اندیش بھی تھی .

اداکارہ صاحبہ کا کہنا تھا کہ میں نے شادی کے بعد آنے والی زندگی کی پریشانیوں کا مقابلہ کرنے کا فیصلہ کیا تھا حالانکہ مجھے ڈرایا بھی گیا کہ ہم دونوں کے خاندانوں میں بہت فرق ہے نبھا نہیں پاؤ گی .

انہوں نے بتایا کہ شادی کے بعد کے دنوں میں فلمیں بہت خراب اور ولگر بن رہی تھیں تھیٹر کا حال اس سے برا تھا، تو میں نے افضل کو سختی سے منع کیا تھا کہ کچھ بھی ہوجائے تھیٹر میں کام نہیں کرنا، جس کی مجھے بہت بڑی قیمت چکانا پڑی .

صاحبہ نے بتایا کہ میں نے کئی سال تک گھر کیلئے کوئی نئی چیز تک نہیں خریدی اور اپنے لیے بھی کوئی نیا سوٹ نہیں خریدا، انہوں نے کہا کہ میں یہ کہہ سکتی ہوں کہ اپنا گھر بسانے کیلئے میں نے بہت محنت اور صبر کیا اور شوہر نے بھی بھرپور ساتھ دیا کیونکہ اگر میری محنت اور قربانیوں کو تسلیم نہ کیا جاتا تو میں ایسا کبھی نہ کرپاتی .

اس موقع پر معروف میزبان و اداکارہ نادیہ خان نے بھی اپنی ازدواجی زندگی سے متعلق ناظرین کو بہت سی باتیں بتائیں . انہوں نے کہا کہ میں تو شادی کا لڈو کھا کر بہت عرصے تک پچھتائی مگر شادی کے بعد سب سے خوبصورت چیز جو مجھے ملی وہ میرے بچے ہیں .

خیال رہے کہ صاحبہ تجربہ کار اداکارہ نشو جی کی بیٹی بھی ہیں اور صاحبہ نے گزشتہ برسوں میں اپنے کام اور ذاتی زندگی کو کمال مہارت سے مینیج کررکھا ہے . یاد رہے کہ ریمبو پاکستانی سپر ہٹ فلموں جیسے ’منڈا بگڑا’، ’چور مچائے شور’، ’موسیٰ خان’، ’محبوبہ’ جیسے کئی پروجکٹس میں اپنی اداکاری کے جوہر دکھاچکے ہیں .