نوجوت سدھو نے کپل شرما سے ارچنا پورن سنگھ سے متعلق دلچسپ مطالبہ کردیا

ممبئی (قدرت روزنامہ) دی گریٹ انڈین کپل شرما شو کے میزبان معروف کامیڈین کپل شرمانے نوجوت سنگھ سِدھو سے اگلے سیزن کے لیے مستقل مہمان کی حیثیت سے شریک ہونے کی استدعاکی ہے۔

بھارتی میڈیا کے مطابق سندھو جی نے کپل شرما کی پیش کش قبول کرتے ہوئے شرط رکھی ہے کہ معروف اداکارہ ارچنا پورن سنگھ کو اُن کے ساتھ بٹھایا جانا چاہیے، دنیا بھر میں غیر معمولی شہرت بٹورنے والے بھارتی ٹی وی پروگرام ’دی گریٹ انڈین کپل شرما شو‘ کی تازہ ترین قسط میں سابق ٹیسٹ کرکٹر اور سیاست دان نوجوت سنگھ سِدھو بھی شریک ہوئے تاہم یہ انٹری مہمان کے طور پر تھی۔ نوجوت سنگھ سدھو نے کپل شرما شو کو گلدستے کے مشابہ قرار دیتے ہوئے کہا کہ تمام پھولوں کو پھر اِس دستے میں جُڑ جانا چاہیے،ان کا کہنا تھا کہ یہ گلدستہ قدرت کا بنایا ہوا ہے،ہر پھول کا منفرد رنگ اور منفرد مہک ہے۔ سدھو نے یہ کہہ کر سب کو جذباتی کردیا کہ وہ مرنے سے پہلے کپل شرما شو کے تمام پھولوں کو ایک ساتھ دیکھنا چاہتے ہیں اور ارچنا پورن سنگھ کو بھی اُن کے مقام پر دیکھنے کے خواہش مند ہیں۔