کراچی (قدرت روزنامہ) زندگی گلزار ہے جیسے شاندار ڈراموں میں اداکاری کے جوہر دکھانے والے اداکار شہریار منور نے آخر اپنی زندگی کے نئے سفر کے آغاز کا فیصلہ کر لیاہے اور وہ ممکنہ طور پر جلد ہی شادی کے بندھن میں بندھنے والے ہیں۔
تفصیلات کے مطابق شہریار منور ایک ٹیلنٹڈ پاکستانی اداکار ہیں۔ ان کے ہٹ ڈراموں کی فہرست میں ’زندگی گلزار ہے‘، ’میرے درد کو جو زبان ملی‘، ’کہی ان کہی‘، ’آسمانوں پر لکھا‘، ’زندگی گلزار ہے‘، ’پہلی سی محبت‘، ’کچھ ان کہی‘ اور ’رد‘ شامل ہیں۔ شہریار منور اے آر وائی ڈیجیٹل کے نئے ڈرامہ سیریل ’اے عشق جنون‘ کا بھی حصہ ہیں ۔
رپورٹس کے مطابق شہریار منور دسمبر 2024 میں خوبصورت پاکستانی اداکارہ ماہین صدیقی سے شادی کے بندھن میں بندھ جائیں گے۔ ماہین صدیقی اپنے ہٹ ڈراموں جیسے دوریاں، اگر اور دوبارہ کے لیے جانی جاتی ہیں۔
ان کی شادی کی خبر صحافی عرفان الحق نے شیئر کی تھی۔ عرفانستان کی جانب سے شیئر کی گئی پوسٹ یہ ہے.
فی الحال دونوں اداکاروں نے اپنی شادی کے بارے میں کھل کر بات نہیں کی ہے نہ ہی اپنی شادی سے متعلق خبروں کی تردید نہیں کی ہے۔ تاہم، وہ ایک دوسرے کے سوشل میڈیا اکاؤنٹس پر کافی فعال ہیں۔
مداحوں نے کمنٹس سیکشن میں ان کی ہونے والی دلہن کے لیے ماہین صدیقی کے نام کی پیش گوئی بھی کی اور اداکاروں کو پیشگی مبارکباد بھی دی ہے۔
