ساؤتھ فلم انڈسٹری کے اداکار نے مقبولیت میں شاہ رخ خان اور سلمان خان کو بھی پیچھے چھوڑ دیا

ممبئی (قدرت روزنامہ) بھارت کی ساؤتھ کی فلم انڈسٹری کے اداکار پربھاس نے مقبولیت میں بالی وڈ کے تمام سپر سٹارز کو پیچھے چھوڑ دیا۔

بھارتی میڈیا کے مطابق بدھ کو ملک کی پیشہ ورانہ میڈیا فرم اورمیکس نے ‘سٹارز انڈیا لووز’ اکتوبر کے سب سے مقبول اداکاروں کی فہرست جاری کی جس میں پربھاس کا پہلا نمبر تھا۔اداکار وجے اس فہرست میں دوسرے نمبر پر رہے جبکہ شاہ رخ خان تیسرے ، جونیئر این ٹی آر چوتھے اور اجیت کمار پانچویں نمبر پر رہے۔ اداکار الو ارجن اس فہرست میں چھٹے نمبر پر ہیں۔اس کے علاوہ مہیش بابو ساتویں، سوریا آٹھویں اور رام چرن نویں پوزیشن پر ہیں۔سلمان خان، جن کی آخری فلم 2023 میں ریلیز ہوئی تھی،ان کا نمبر10واں رہا۔