ٹیکس ہدف پورا کرنے کے لیے ایف بی آر ملازمین کی ہفتے کی چھٹی ختم

اسلام آباد(قدرت روزنامہ)فیڈرل بورڈ آف ریونیو (ایف بی آر) کی جانب سے رواں ماہ کا ٹیکس ہدف پورا کرنے کے لیے ملازمین کی ہفتے کی چھٹی ختم کردی گئی۔

میڈیا رپورٹس کے مطابق ایف بی آر کی جانب سے تمام ٹیکس دفاتر ہفتہ کے روز کھلے رکھنے کی ہدایت کی ہے، اور تمام فیلڈ فارمشنز کو مراسلہ ارسال کردیا گیا ہے۔

مراسلے میں کہا گیا ہے کہ فیڈرل بورڈ آف ریونیو کے تمام متعلقہ دفاتر 23 نومبر اور 30 نومبر کو کھلے رہیں گے۔

ایف بی آر کی جانب سے ٹیکس اورڈیوٹی وصولی کے لیے تمام لارج، میڈیم ٹیکس پیئرز آفس، علاقائی دفاتر اور کارپوریٹ ٹیکس آفس کھلے رکھنے کی ہدایات کی گئی ہیں۔