عاقب جاوید نے فخر زمان کو دورہ جنوبی افریقہ کے لیے ٹیم میں شامل نہ کرنے کی وجہ بتا دی
لاہور(قدرت روزنامہ)قومی ٹیم کے ہیڈ کوچ عاقب جاوید نے دورہ جنوبی افریقہ کے لیے اوپنر فخر زمان کو ٹیم میں شامل نہ کرنے کی وجہ بیان کردی ہے۔دورہ جنوبی افریقہ میں دو ٹیسٹ، ٹی 20 اور ون ڈے سیریز کے لیے قومی سکواڈ کا اعلان کیا گیا ہے جس میں فخر زمان وائٹ اور ریڈ بال دونوں سکواڈ میں شامل نہیں جبکہ شاہین آفریدی کو ٹیسٹ ٹیم کا حصہ نہیں بنایا گیا ہے۔فخر زمان سے متعلق وائٹ بال ہیڈ کوچ عاقب جاوید نے کہا کہ ’فخر زمان کے نام پر اس لیے غور نہیں کیا گیا کہ وہ ابھی فارم اور میچ فٹنس حاصل نہیں کرسکے ہیں۔
🔴 LIVE | Aleema Khan's Important Media Talk Outside Adiala Jail | D chowk issue
http://dailyqudrat.pk For Latest Videos Please Subscirbe The Channel
ہیڈ کوچ نے بتایا کہ شاہین آفریدی کے ٹیسٹ اسکواڈ میں اس لیے شامل نہیں کیا گیا کہ وہ آئی سی سی چیمپئنز ٹرافی 2025 کے لیے جسمانی اور ذہنی طور پر تازہ دم رہیں۔انہوں نے کہا کہ انگلینڈ کے خلاف شاندار کارکردگی دکھانے کے باوجود ساجد خان کو ڈراپ کرنا ایک مشکل فیصلہ تھا تاہم سنچورین اور کیپ ٹاؤن میں تیز بولنگ کے لیے سازگار کنڈیشنز کو دیکھتے ہوئے ہم نے ان کے بجائے محمد عباس کا انتخاب کیا ہے۔
