نیویارک(قدرت روزنامہ) واٹس ایپ پر جب ہم دوسروں کو تصاویر بھیجتے ہیں تو ان کی کوالٹی قدرے ناقص ہو جاتی ہے۔ تاہم ایک ایسا حربہ ہے جسے بروئے کار لاتے ہوئے آپ دوسروں کو بھیجی گئی تصاویر کی کوالٹی بہتر بنا سکتے ہیں۔ دی سن کے مطابق واٹس ایپ پر بھیجی جانے والی تصاویر کی کوالٹی اس لیے ناقص ہو جاتی ہے کیونکہ واٹس ایپ خودکار طریقے سے آپ کی تصاویر اور ویڈیوز کو ’کمپریس‘ کرتا ہے جس سے ان کا سائز چھوٹا ہو جاتا ہے۔
واٹس ایپ کی طرف سے تصاویر اور ویڈیوز کو کمپریس کرکے فائل سائز کم کرنے کے کئی مقاصد ہوتے ہیں۔ اس طرح صارفین کا انٹرنیٹ کم خرچ ہوتا ہے اور فائل جلدی بھیجی اور وصول کی جا سکتی ہے اور صارفین کے فون میں بھی جگہ کم گھیرتی ہے تاہم اس عمل کے دوران جب تصاویر اور ویڈیوز کو کمپریس کیا جاتا ہے تو ان کی کوالٹی بھی متاثر ہوتی ہے۔ آپ واٹس ایپ کے اس عمل کو روک کر اپنی تصاویر اور ویڈیوز کی کوالٹی ناقص ہونے سے بچا سکتے ہیں۔
آئی فون صارفین واٹس ایپ کو تصاویر اور ویڈیوز کو کمپریس کرنے سے روکنے کے لیے اپنی مطلوبہ تصویر یا ویڈیو منتخب کریں اور شیئر آپشنز میں جا کر ’سیو ٹو فائلز‘ (Save To Files)کا انتخاب کریں۔ سیو ٹو فائلز کا آپشن امیج سیٹنگز میں بالکل نیچے جا کر آپ کو مل جائے گا۔ اس کے بعد واٹس ایپ میں جا کر چیٹ اوپن کریں اور میڈیا اٹیچ کرنے کے لیے ڈاکیومنٹ کو منتخب کرتے ہوئے مطلوبہ ویڈیو یا تصویر اٹیچ کریں۔ اس طرح واٹس ایپ اسے کمپریس نہیں کرے گا اور اس کی کوالٹی متاثر نہیں ہو گی۔اینڈرائیڈ صارفین اپنی تصویر کا نام تبدیل کرکے اس کے آخر میں .pdfلکھ کر اسے دوبار محفوظ کر لیں اور اب اس فائل کو اٹیچ کرکے دوسرے شخص کو بھیج دیں۔ اس سے یہ ہو گا کہ واٹس ایپ اس تصویر کو ڈاکیومنٹ سمجھے گا اور اسے کمپریس نہیں کرے گا۔ جب یہ فائل دوسرے شخص کو موصول ہو جائے گی تو وہ اس کا نام دوبار ایڈٹ کرکے آخر میںلکھا گیا .pdfہٹا کر اسے .jpgلکھ کر دوبارہ محفوظ کرے گا اور یوں یہ فائل واپس تصویر کے فارمیٹ میں آ جائے گی۔
ممبئی(قدرت روزنامہ)بالی ووڈ اور تامل فلم انڈسٹری کی معروف اداکارہ نینتھارا کی شاہ رخ خان…
اسلام آباد(قدرت روزنامہ) چیف جسٹس آف پاکستان نے مخصوص نشستوں کے معاملے میں الیکشن کمیشن…
اسلام آباد (قدرت روزنامہ) فیڈرل بورڈ آف ریونیو نے کرپشن میں ملوث افسران کا سراغ…
اسلام آباد(قدرت روزنامہ)وزیر اعظم شہباز شریف لندن پہنچ گئے، لندن میں دو روز قیام کے…
کوئٹہ(قدرت روزنامہ) بلوچستان کے علاقے ژوب میں انسداد دہشت گردی فورس کی گاڑی پر شدت…
ملتان(قدرت روزنامہ)جمعیت علماءاسلام (ف) کے سربراہ مولانا فضل الرحمان نے کہا ہے کہ جمہوری عمل…