سابق کرکٹر عبدالرزاق نے خواتین کھلاڑیوں کے بارے میں ایسی بات کہہ دی کہ سوشل میڈیا پر طوفان آگیا

لاہور(قدرت روزنامہ) سابق کرکٹر عبدالرزاق خواتین کرکٹ ٹیم کی کھلاڑی ندا ڈار کے ساتھ گزشتہ دنوں ایک ٹی وی شو میں شریک ہوئے جس میں انہوں نے ازراہ تفنن نداڈار کے متعلق کچھ ایسے فقرے کہہ ڈالے کہ لوگوں نے انہیں صنفی امتیاز کا مرتکب قرار دے کر کڑی تنقید کا نشانہ بنانا شروع کر دیا۔

عبدالرزاق نے اداکار نعمان اعجاز کے ٹاک شو میں گفتگو کرتے ہوئے ندا ڈار کی جسامت اور ان کی شادی کے حوالے سے تبصرہ کیا تھا۔ ایک موقع پر جب نعمان اعجاز نے ندا ڈار سے پوچھا کہ اگر وہ کرکٹر نہ ہوتیں تو کس شعبے کا انتخاب کرتیں۔ اس پر ندا ڈار نے کہا کہ ”میں پھر بھی پروفیشنل ایتھلیٹ ہی بنتی۔“

یہاں پروگرام کی شریک میزبان وفا بٹ نے کھلاڑیوں کی شادی کی بات چھیڑتے ہوئے کہا کہ شادی کے بعد لڑکیوں کو کھیل چھوڑنا پڑ جاتا ہے۔ اس پر ندا ڈار بولیں کہ ” لڑکیوں کی یہی کوشش ہوتی ہے کہ جتنی کرکٹ کھیل سکتی ہیں کھیل لیں، کیونکہ شادی کے بعد کچھ پتا نہیں ہوتا۔“

نداڈار کی اس بات پر تبصرہ کرتے ہوئے عبدالرزاق نے کہہ دیا کہ ”ان کی شادی نہیں ہوتی، ان کی فیلڈ ایسی ہے، جب یہ کرکٹربن جاتی ہیں تو پھر یہ چاہتی ہیں کہ مردوں کی ٹیم کے لیول تک آ جائیں۔ یہ ثابت کرنا چاہتی ہیں کہ صرف مرد ہی نہیں، وہ بھی یہ سب کچھ کر سکتی ہیں۔ اس لیے وہ احساسات شادی کرنے سے ختم ہو جاتے ہیں۔“

عبدالرزاق نے مزید کہا کہ ”آپ ان سے (نداڈار کی طرف اشارہ کرتے ہوئے)ہاتھ ملا کر دیکھ لیں، یہ لڑکی تو نہیں لگتیں۔“اس کے جواب میں نداڈار نے کہا کہ ”ہمارا پیشہ ایسا ہے کہ ہمیں جم کرنا پڑتا ہے، ہمیں فٹ رہنا ہوتا ہے۔“

ان کی بات کاٹتے ہوئے عبدالرزاق نے کہا کہ ”آپ ان کے بالوں کا سٹائل ہی دیکھ لیں۔“سوشل میڈیا پر لوگ اس پروگرام کے ویڈیو کلپس شیئر کر رہے ہیں اور عبدالرزاق پر تنقید کر رہے ہیں کہ انہیں خواتین کرکٹرز کے متعلق ایسے صنفی امتیاز پر مبنی جملے نہیں بولنے چاہئیں تھے۔ حسان سعید نامی ایک ٹوئٹر صارف نے لکھا ہے کہ ”بطور کرکٹر عبدالرزاق بہت اچھے تھے لیکن ریٹائرمنٹ کے بعد مائیکروفون پر بالکل بھی اچھے نہیں ہیں۔ انہیں کوئی بتائے کہ ان کی ایسی باتیں مذاق نہیں ہیں۔“

Recent Posts

پیٹرولیم ڈیلرز ایسوسی ایشن نے ملک بھر میں جاری ہڑتال کی کال واپس لے لی

اسلام آباد (قدرت روزنامہ) پیٹرولیم ڈیلرز ایسوسی ایشن نے ملک بھر میں جاری ہڑتال کی…

53 mins ago

پروٹیکٹڈ صارفین کو مبینہ اووربلنگ،ایف آئی اے نے انکوائری کا آغاز کردیا

لاہور (قدرت روزنامہ) پروٹیکٹڈ صارفین کو مبینہ اووربلنگ پر وفاقی تحقیقاتی ادارے ایف آئی اے…

1 hour ago

گزشتہ ایک سال کے دوران حکومتی قرضوں میں کتنا اضافہ ہوا؟ ہوشربا انکشاف

اسلام آباد (قدرت روزنامہ) سٹیٹ بینک آف پاکستان کی جانب سے حکومتی قرضوں سے متعلق…

1 hour ago

بانی پی ٹی آئی کا رویہ اورسوچ غیر سیاسی ہے،خواجہ آصف

اسلام آباد (قدرت روزنامہ)وزیر دفاع خواجہ آصف کا کہنا ہے کہ لگتا ہے بانی پی…

1 hour ago

شاہد خاقان عباسی اورمولانا فضل الرحمان کا مہنگائی اور بدامنی پر اظہار تشویش

اسلام آباد (قدرت روزنامہ)سابق وزیر اعظم شاہد خاقان عباسی جے یو آئی سربراہ مولانا فضل…

1 hour ago

‘عزم استحکام’ پر تنقید پرتشویش، ڈیجیٹل دہشت گردی ریاستی اداروں کے خلاف سازش ہے، کورکمانڈرز کانفرنس

راولپنڈی(قدرت روزنامہ) کورکمانڈرز کانفرنس میں عسکری قیادت نے انسداد دہشت گردی کے خلاف “عزم استحکام”…

1 hour ago