اسلام آباد(قدرت روزنامہ) وفاقی وزیر اطلاعات و نشریات فواد چودھری نے کہا ہے کہ آج ملک کا ہر شہری پاکستان اور بھارت کے میچ کو لے کر پرُجوش ہے ۔ انشاللہ جیت جنون اور جذبے کی ہو گی پاکستان کی ہو گی ۔
اپنی ٹویٹ میں فواد چودھری نے کہا کہ میچ پر جانے کی تیاری کر رہا ہوں ، آج پاکستان کے جو بھی گیارہ لڑکے میدان میں اتریں گے ان کے پاس پاکستان کا نیا سپر سٹار بننے کا موقع ہے ۔
ادھر ، وزیر جیل خانہ جات پنجاب فیاض الحسن چوہان نے کہا کہ آج پوری پاکستانی قوم اپنی کرکٹ ٹیم کے شانہ بشانہ کھڑی ہے ۔ بوڑھوں سے لے کر بچوں تک ہر کے لبوں پر دعاؤں کے پھول ہیں ۔
اپنے ٹویٹ میں انہوں نے کہا کہ آج پوری دنیائے کرکٹ کی نظریں پاک انڈیا کرکٹ میچ پر لگی ہوئی ہیں ۔ یہ اس بات کی واضح نشانی ہے کہ عالمی سطح پر پاکستان اور کرکٹ لازم وملزوم ہیں ۔ پاکستان کرکٹ ٹیم زندہ باد ۔
دوسری جانب ، وفاقی وزیر داخلہ شیخ رشید کو پاک بھارت میچ دبئی اسٹیڈیم میں نہ دیکھ سکنے کا دکھ لگ گیا ، کہا ابھی دبئی ہوٹل پہنچا ہی تھا کہ ملکی صورتحال کے باعث واپس آنا پڑا ۔
انہوں نے مزید کہا کہ آپ خود سوچیں ، کسی شیخ کا ٹکٹ ضائع ہوجائے تو اسے کتنا دکھ لگے گا ۔ خاص طور پر جب میچ کا ٹکٹ اپنے پیسے سے خریدا ہو ۔
واضح رہے کہ ٹی ٹوئنٹی ورلڈ کپ کا سب سے بڑا مقابلہ آج کھیلا جائے گا ۔ دبئی کے میدان میں روایتی حریف ٹیمیں پاکستان اور انڈیا میدان میں اتریں گی ۔ یہ سنسنی خیز مقابلہ رات 7 بجے شروع ہوگا ۔
انڈیا کیخلاف میچ میں قومی ٹیم کی قیادت بابراعظم کریں گے جبکہ دیگر کھلاڑیوں میں حارث رؤف ، شاہین شاہ آفریدی ، حسن علی ، عماد وسیم ، شاداب خان ، آصف علی ، محمد حفیظ ، شعیب ملک ، حیدر علی ، فخر زمان اور محمد رضوان شامل ہیں ۔
اسلام آباد(قدرت روزنامہ)آئی پی پیز کے ملکی معیشت میں تباہی کے حوالے سے حقائق منظر…
ممبئی (قدرت روزنامہ) ثنا خان نے 2020 میں ٹی وی اور فلم انڈسٹری کو الوداع…
اسلام آباد (قدرت روزنامہ)عام خیال ہے کہ اگر آپ نے وزن کم کرنا ہے تو…
اسلام آباد (قدرت روزنامہ)ٹک ٹاک نے اپنے صارفین کے لیے ایک ایسے فیچر کو لانے…
کلٹس VXR کی قیمت اس وقت 38,58,000 روپے ہے اسلام آباد (قدرت روزنامہ)سوزوکی کلٹس (Suzuki…
ملتان(قدرت روزنامہ)جمعیت علماء اسلام کے سربراہ مولانا فضل الرحمٰن نے کہا ہے کہ سابق وزیر…