6000 فٹ کی بلندی سے گرنے والی خواتین معجزانہ طور پر بچ گئیں

داغستان (قدرت روزنامہ) روس کے علاقے داغستان میں واقع وادی سولاک میں جھولا جھولتی خواتین تقریباً 6000 فٹ کی بلندی سے نیچے گِر گئیں جس کی ویڈیو سوشل میڈیا پر وائرل ہو رہی ہے۔مذکورہ واقعہ جھولے کی پول سے ٹکر کے باعث پیش آیا جس کے نتیجے میں دونوں خواتین پھسل کر نیچے جاگریں تاہم خوش قسمتی سے دونوں کی زندگیاں بچ گئیں۔
مقامی اخبار کی رپورٹ کے مطابق جھولا ہوا میں زیادہ بلند نہ تھا جس کے باعث خواتین پہاڑ کے نیچے بنے لکڑی کے تختے پر گریں جس سے ان کے جسم پر معمولی چوٹیں آئیں تاہم واقعے نے دونوں کے ذہن پر گہرے اثرات چھوڑے ہیں۔پولیس نے واقعے کا فوری نوٹس لیتے ہوئے حفاظتی اقدامات نہ اپنانے کی وجہ سے جھولے کے عملے کے خلاف تفتیش کا آغاز کر دیا ہے۔

یہ ویڈیو روس کے علاقے داغستان سے تعلق رکھتی ہے جہاں ایک خاندان تفریح کی غرض سے موجود ہے۔

ایک شخص دو خواتین کو جھولا دیتا ہے تو وہ پنڈولم کی طرح ڈولتا ہوا جھولے کو سہارا دینے والے پول سے ٹکرا جاتا ہے۔ اس کے ٹکرانے سے جھولا ٹیڑھا ہوجاتا ہے۔ اس کے نیتجے میں تختے پر بیٹھی خواتین پھسل کر نیچے جاگرتی ہیں۔یہ جھولا 6300 فٹ کی بلندی پر ایک پہاڑی پر واقع ہے لیکن خوش قسمتی سے خواتین چوٹی کے کنارے سے ہزاروں فٹ نیچے جانے کی بجائے چوٹی کے کنارے پر قائم ایک چھجا نما رکاوٹ پر گریں اور انہیں معمولی چوٹیں آئیں۔
یہ واقعہ روسی داغستان کی سولاک گھاٹی میں پیش آیا ہے۔ اس میں دو خواتین کو جھولا جھولنے کے دوران اپنی نشستوں سے نیچے پھسلتے ہوئے دیکھا جاسکتا ہے۔ یہ واقعہ دیکھ کر وہاں موجود کئی خواتین کی چیخیں بلند ہوتی بھی سنائی دیتی ہیں۔ تاہم دونوں خواتین محفوظ رہیں اور انہیں معمولی خراشیں آئی ہیں۔روسی اخبار کی ویب سائٹ کومسومولسکایا نے پولیس کے حوالے سے بتایا ہے دونوں خواتین محفوظ ہیں اور اس واقعے کی تحقیقات شروع کردی گئی ہیں۔ تاہم انتظامیہ نے بھی حفاظتی انتظامات کی یقین دہانی کرائی ہے۔