چیئرمین سینیٹ کی جان جمالی کواسپیکر بلوچستان اسمبلی منتخب ہونے پر مبارکباد
انہوں نے کہا کہ صوبائی و قومی سیاست کے ساتھ ساتھ بلوچستان کی ترقی کیلئے جان جمالی کی خدمات قابل تحسین ہیں . چیئرمین سینیٹ محمد صادق سنجرانی نے کہا کہ جان جمالی تمام اراکین اسمبلی کو ایوان میں ساتھ لے کر چلیں گے . اس سے قبل چیئرمین سینیٹ صادق سنجرانی نے پارلیمانی رپورٹرز ایسوسی ایشن کی حلف برداری کی تقریب میں بطور مہمان خصوصی شرکت کی تھی اور تقریب سے خطاب کرتے ہوئے کہا تھا کہ پی آر اے بہت سنجیدہ ادارہ ہے . انہوں نے کہا تھا کہ سینیٹ کی ایک قائمہ کمیٹی نے ایک بل پاس کیا لیکن ہاؤس میں پاس نہ ہوسکا کوشش ہے مذکورہ بل سینیٹ سے پاس ہو ، تمام سیاسی پارٹیوں کو اس بل کے بارے میں قائل کریں گے . چیئرمین سینیٹ صادق سنجرانی نے کہا تھا کہ صحافیوں سے گزارش ہے کہ پارلیمنٹ کا گھیراؤ نہ کریں ہم تمام اسٹیک ہولڈرز سے بات کریں گے ، اس معاملے میں اگر وزیراعظم سے بھی بات کرنی پڑے تو کروں گا . . .
