کرکٹر راشد خان نے معافی مانگ لی

دبئی، کابل(قدرت روزنامہ) افغانستان کے معروف کرکٹر راشد خان نے پاکستان سے میچ ہارنے پر معافی مانگ لی، انہوں نے سماجی رابطے کی ویب سائٹ ٹوئٹر پر اپنے پیغام میں کہا کہ افغانستان میں اور دنیا بھر میں موجود شائقین کرکٹ سے گزشتہ روز فتح حاصل نہ کرنے پر معذرت خواہ ہوں، انہوں نے اپنے پیغام میں مزید کہا کہ تمام لوگوں سے معافی چاہتا ہوں کہ ہم فاتح نہ ہو کر آپ کے چہروں پر مسکراہٹ نہیں لا سکے،انہوں نے آئندہ ہونے والے میچوں کے لئے دعاؤں کی اپیل کی اور ٹی ٹوئنٹی میں سو وکٹیں لینے

پر مداحوں کا شکریہ بھی ادا کیا۔ واضح رہے کہ راشد خان 100 وکٹیں حاصل کرنے والے چوتھے بولر بن گئے ہیں۔ٹی ٹوئنٹٰی انٹرنیشنل میں بنگلادیش کے آل راؤنڈر اور لیفٹ آرم اسپنر شکیب الحسن اب تک 117 وکٹیں حاصل کرچکے ہیں،حال ہی میں تمام طرز کی کرکٹ سے ریٹائرمنٹ کا اعلان کرنے والے سری لنکا کے فاسٹ بولر لیستھ ملنگا 107 وکٹیں اپنے نام کرچکے ہیں جبکہ افغانستان کے راشد خان اور نیوزی لینڈ کے ٹم ساؤتھی نے ٹی ٹوئنٹٰی ورلڈکپ کے دوران ہی اپنی 100،100 وکٹیں پوری کیں۔