12 لاپتہ افراد کے بازیا ب کی تصدیق،دو شخص کے کیسز خارج

کوئٹہ(قدرت روزنامہ)وفاقی حکومت کی ہدایت پر قائم لاپتہ افراد بازیابی کمیشن نے کوئٹہ میں دس روزہ سماعت مکمل کرلی اس دوران 12 لاپتہ افراد کے بازیا ب کی تصدیق ہوئی دو لاپتہ افراد کا سراغ ملا جبکہ دو لاپتہ شخص کے کیسز خارج کردئیے گئے . محکمہ داخلہ بلوچستان کے مطابق کوئٹہ میں لاپتہ افراد کی بازیابی کیلئے قائم کمیشن نے دسویں روز لاپتہ افراد کے کیسز کی سما عت کی کمیشن کی سربراہی ہائی کورٹ کے سابق جج جسٹس ریٹائرڈ فضل الر حما ن کررہے ہیں ہفتہ کو کمیشن میں گیارہ لاپتہ افراد کے کیسز کی سما عت ہوئی دسویں روز کی سماعت کے دوران کوئٹہ سے تعلق رکھنے والے ایک لاپتہ شخص کے بازیاب ہوکر گھر پہنچنے کی تصدیق ہوئی لاپتہ بازیابی کمیشن نے دس روز کے دوران 117لاپتہ افراد کے کیسز کی سماعت کی اس دوران بارہ لاپتہ افراد کے بازیا ب کی تصدیق ہوئی دو لاپتہ افراد کا سراغ ملا جبکہ دو لاپتہ شخص کے کیسز خارج کردئیے گئے .

. .