حامد میر صاحب،1989 میں لیا گیا قرض ہی واپس کر دیں، خاتون صحافی کی اپیل
(قدرت روزنامہ) خاتون صحافی نے حامد میر کو ادھار دی گئی رقم کی واپسی کا مطالبہ کر دیا
خاتون صحافی روبی رزاق نے سماجی رابطے کی ویب سائٹ پر حامد میر سے اپنی ادھار دی گئی رقم کی واپسی کا مطالبہ کیا، روبی رزاق کا کہنا تھا کہ جناب حامد میر صاحب. آپ نے 1989 میں کچھ رقم ادھار لی تھی جب میں جنگ اخبار میں ملازمت کررہی تھی جو آج تک واپس نہیں کی. آہ ادھار رقم کی معافی کیلئے اس وقت کے کامرس رپورٹر طاہر مجید کو میرے پاس لائے تھے کہ قرض معاف کردیا جائے لیکن میں نے معاف نہیں کیا تھا.
روبی رزاق کا کہنا تھا کہ میں نے آج آپکا ایک انٹرویو دیکھا سوشل میڈیا پہ جس میں آپ نے بیرون ملک جانے کا عندیہ دیا ہے برائے مہربانی جانے سے پہلے میرا قرض ادا کردیں. میرے حالات کچھ سال سے اچھے نہیں تھے میں نے اپنی رقم کی واپسی کیلئے آپ سے رابطہ کرنے کی کوشش کی تو رابطہ نہ ہوسکا آپ سے گزارش ہے کہ میرا قرض واپس کر کے شکریہ کا موقع دیں. . .
