لاہوریوں کو نئے سال کے آغاز سے قبل بڑا تحفہ دینے کی تیاریاں
حکام کا کہنا ہے کہ انڈر پاس کو اگلے ماہ دسمبر میں آپریشنل کر دیا جائے گا . دوسری جانب وزیراعلیٰ پنجاب سردار عثمان بزدار نے کہا ہےکہ لاہور پاکستان کا دل اورمعاشی سرگرمیوں کا اہم مرکز ہے . لاہور کی ترقی پاکستان کی ترقی ہے . ہماری حکومت نے لاہورکے ترقیاتی منصوبوں کیلئے اربوں روپے مختص کیے ہیں . لاہور شہر میں انفرا سٹرکچر کے میگا پراجیکٹس شروع کیے گئے ہیں . انہوں نے کہا کہ شاہکام چوک، گلاب دیوی ہسپتال انڈرپاس اور شیرانوالاگیٹ اوورہیڈ کے منصوبوں کی تکمیل سے لاہور کے شہریوں کو آمدورفت کی بے پناہ سہولتیں میسر آئیں گی . لاہورشہر کی ضروریات کے مطابق منصوبے بنائے گئے ہیں . ذاتی نمودونمائش کے منصوبوں کی جگہ عوامی ترجیحات کو مدنظر رکھا گیا ہے . وزیراعلیٰ عثمان بزدار نے کہا کہ 560 ارب روپے کے ریکارڈ ترقیاتی پروگرام سے ہرضلع میں خوشحالی آئے گی . ترقیاتی پروگرام تیار کرتے وقت منتخب نمائندوں سے مشاورت کی گئی . ترقیاتی بجٹ میں ایک سال میں 66 فیصد کا غیر معمولی اضافہ بلاشبہ ہماری ترقیاتی ترجیحات کا آئینہ دار ہے . ماضی میں کاغذات میں ترقی ہوتی رہی اورعوام ترقی کیلئے ترستے رہے . سابق حکمران غلط پالیسیوں اورنمائشی منصوبوں سے صوبے کا دیوالیہ کر چکے تھے . انہوں نے کہا کہ ہمیں 2018ء میں تباہ حال معیشت ملی . صوبے میں معاشی استحکام کیلئے مشکل فیصلے کیے جس کے مثبت نتائج سامنے آئے . الحمدللہ آج پنجاب معاشی طورپر مضبوط اورآگے بڑھ رہا ہے . یہ ترقیاتی پروگرام صوبے کی ترقی، معیشت کے استحکام اور عوام کی خوشحالی کا ضامن ہے . ترقیاتی پروگرام کے ثمرات پنجاب کے کونے کونے تک پہنچیں گے . وزیراعلیٰ عثمان بزدار نے کہا کہ پنجاب حکومت عوام کو ریلیف دینے کیلئے ہر ممکن انتظامی اقدام اٹھائے گی . عوام کے حقوق کا ہر قیمت پر تحفظ یقینی بنائیں گے . اشیاء ضروریہ کی قیمتوں میں مصنوعی اضافہ کسی صورت برداشت نہیں کیا جائے گا . صوبے کے عوام کا مفادبے حد عزیز ہے . انہوں نے کہا کہ مہنگائی اہم ایشوہے، پرائس کنٹرول کے لئے موثر کارروائی کی جائے . چینی کی مقررہ نرخ پر دستیابی یقینی بنانے کے لئے انتظامیہ بھرپور کاوشیں کرے . کسی کو عام آدمی کی جیب پر ڈاکہ ڈالنے کی اجازت نہیں دیں گے . انہوں نے کہا کہ عام آدمی کو ضرورت کی اشیاء مقررہ نرخ پر ملنی چاہیئے . گراں فروشوں کے خلاف بلاامتیاز کارروائی جاری رکھی جائے . صوبے میں آٹے سمیت اشیائے ضروریہ کی قیمتوں میں استحکام کیلئے تمام انتظامی اقدامات اٹھائیں گے . انہوں نے کہا کہ اچھی کارکردگی والے اضلاع کی انتظامیہ کی حوصلہ افزائی کی جائے گی اورخراب کارکردگی پر بازپرس ہوگی . . .
