پاکستانی خاتون کی طلاق کی خوشی منانے کی ویڈیو وائرل، سوشل میڈیا پر نئی بحث چھڑ گئی
لاہور (قدرت روزنامہ)پاکستان میں جہاں شادیاں دھوم دھام سے منائی جاتی ہیں، وہیں طلاق کو اب بھی ایک ممنوعہ موضوع سمجھا جاتا ہے۔ تاہم عظیمہ احسان نامی کانٹینٹ کریئیٹر نے ان روایتی نظریات کو چیلنج کرتے ہوئے اپنی نئی زندگی کو خوشی سے گلے لگایا۔
حالیہ دنوں میں عظیمہ احسان نے اپنی ایک ویڈیو شیئر کی جس میں وہ ایک شادی کی تقریب میں کوک اسٹوڈیو کے مشہور گانے “مغروں لا” پر رقص کر رہی ہیں۔ اپنی پوسٹ میں انہوں نے انکشاف کیا کہ وہ طلاق یافتہ ہیں لیکن اپنی زندگی خوشی اور اعتماد کے ساتھ گزار رہی ہیں۔
View this post on Instagram
انہوں نے اس حقیقت کو بھی تسلیم کیا کہ شادی ختم کرنے پر انہیں سماجی دباؤ اور تنقید کا سامنا کرنا پڑا لیکن وہ اپنے فیصلے پر خوش ہیں کیونکہ انہوں نے معاشرتی توقعات پر اپنی ذہنی اور جذباتی صحت کو ترجیح دی۔
جہاں کچھ سوشل میڈیا صارفین نے انہیں تنقید کا نشانہ بنایا، وہیں اکثریت نے ان کے حوصلے اور خود اعتمادی کو سراہا۔ لوگوں نے عظیمہ کو خوشگوار زندگی کے لیے نیک تمنائیں دیں اور ان کی ہمت کو سراہا کہ انہوں نے طلاق کے بعد کی زندگی کو ایک نئے زاویے سے پیش کیا۔
عظیمہ احسان کی کہانی اس بات کی یاد دہانی کراتی ہے کہ خوشی کا تعلق صرف سماجی منظوری سے نہیں، بلکہ خود کو ترجیح دینا بھی قابلِ فخر عمل ہے۔