ترگت الپ اور بامسی الپ کی پاکستان آمد

کراچی (قدرت روزنامہ)شہرہ آفاق ترک سیریز ’ارطغرل غازی‘ کے دو اہم کردار ترگت الپ اور بامسی الپ پاکستان آگئے ہیں۔دونوں ترک اداکاروں کی پاکستان آمد پر ان کی پاکستانی اداکار عدنان صدیقی ، اعجاز اسلم اور اسد صدیقی کے ساتھ ملاقات کی ایک تصویر سوشل میڈیا پر وائرل ہورہی ہے۔

دونوں ترک اداکار اس وقت کراچی میں موجود ہیں ۔دونوں اداکاروں کی ایک ویڈیو بھی سوشل میڈیا پر وائرل ہے، جس میں انہوں نے تاریخی ترک سیریز ’ارطغرل غازی‘کی مقبولیت پر اپنے خیالا ت کا اظہار کیا ہے۔

واضح رہے کہ وزیر اعظم عمران خان کی ہدایت پرسیریز ’ارطغرل غازی‘ پاکستان ٹیلی ویژن پر اردو ڈب کے ساتھ نشر کی جارہی ہے۔
اس وقت اس مشہورِ زمانہ ترک سیریز کا چوتھا سیزن پاکستان ٹیلی ویژن سے نشر کیا جارہا ہے۔