اداکارہ شگفتہ اعجاز نانی بن گئیں
کراچی (قدرت روزنامہ) سینئر اداکارہ شگفتہ اعجاز نانی بن گئیں۔اداکارہ کی نئی پوسٹ کے مطابق ان کی بیٹی کے ہاں بیٹے کی پیدائش ہوئی ہے جس کے بعد وہ نانی بن گئی ہیں۔
اداکارہ شگفتہ اعجاز نے اپنے انسٹاگرام اکاﺅنٹ پر نئی تصویر شیئر کی ہے جس میں انہوں نے اپنے نواسے کو سینے سے لگایا ہوا ہے۔اس پوسٹ کے کیپشن میں اداکارہ نے لکھا ہے کہ اب دل کو سکون ملا ہے۔دوسری جانب نومولود نواسے کے ساتھ ویڈیو شیئر کرتے ہوئے اداکارہ نے اس ننھے مہمان کو اپنا دل اور روح قرار دیا ہے۔واضح رہے کہ پاکستان کی معروف اداکارہ شگفتہ اعجاز کے شوہر یحییٰ صدیقی طویل عرصہ علیل رہنے کے بعد گزشتہ سال ستمبر میں انتقال کر گئے تھے۔