ویرات کوہلی کی گھر واپس لوٹ جانے والی پرانی ٹوئٹ وائرل ہوگئی ورلڈ کپ تو نہیں ملا مگر چائے کا کپ حاضر ہے، فرخ حبیب کا رد عمل

نئی دہلی (قدرت روزنامہ)بھارتی کرکٹ ٹیم کے کپتان ویرات کوہلی کی گھر واپس لوٹ جانے والی پرانی ٹوئٹ وائرل ہوگئی۔ ٹی ٹوئنٹی ورلڈکپ میں گروپ 2 کے اہم ترین میچ میں نیوزی لینڈ نے افغانستان کو شکست دے کر سیمی فائنل کیلئے کوالیفائی کرلیااس میچ میں افغانستان کی فتح کے بعد بھارت بھی ایونٹ سے باہر ہوگیا۔بھارت کے ایونٹ سے باہر ہونے کے بعد بھارتی ٹیم کے کپتان ویرات کوہلی کی ‘کل واپس’ لوٹ جانے والی پرانی ٹوئٹ وائرل ہوگئی۔ویرات کوہلی نے 20 مارچ 2012 کو گھر واپسی کی ٹوئٹ کی تھی جس پر اب کرکٹ فینز کی جانب سے

تبصرے کیے جارہے ہیں۔ویرات نے لکھاکہ کل گھر جا رہا ہوں، اچھا نہیں لگ رہا۔وزیر مملکت برائے اطلاعات فرخ حبیب نے بھی اس ٹوئٹ پر ردعمل کا اظہار کیا اور کہا کہ ورلڈ کپ تو نہیں ملا مگر چائے کا کپ حاضر ہے۔