خاتون نے سگے بھتیجے پر زیادتی کا الزام لگا دیا

کراچی(قدرت روزنامہ)اوڈیرولال کی رہائشی خاتون نے اپنے بھتیجے پر مبینہ جنسی زیادتی کا الزام عائد کیا ہے۔تفصیلات کے مطابق ہالا کے علاقے اوڈیرولال کی رہائشی خاتون نے اپنے سگے بھتیجے پر الزام عائد کیا ہے کہ اس نے زیادتی کا نشانہ بنایا اور منہ بند رکھنے کے لئے دھمکیاں دے رہا ہے۔ متاثرہ خاتون کے مطابق اس کا بھتیجا شوکت اسے اوطاق پر لے گیا اور زبردستی جنسی زیادتی کا نشانہ بنایا، میں دہائی دیتی رہی کہ ظلم مت کرو لیکن اس نے ایک نہ سنی اور زیادتی کا نشانہ بناڈالااور جب واقعہ کی رپورٹ درج کرانے تھانے گئی تو پولیس نے مقدمہ درج کرنے کے بجائے مجھ پر طنز کے تیر برسانا شروع کردیئے۔
خاتون نے کہاکہ بھتیجا زیادتی کے بعد منہ بند رکھنے کے لیے دھمکیاں دے رہا ہے، اس نے کہاکہ زبان کھولنے پر وہ مجھے قتل کردے گا، چیف جسٹس پاکستان گلزار احمد، وزیراعلی سندھ مراد علی شاہ اور آئی جی سندھ سے درخواست ہے کہ مجھے انصاف دلایا جائے۔

دوسری جانب سرجانی ٹاون پولیس نے معصوم بچی کے ساتھ مبینہ اجتماعی زیادتی میں ملوث 2 ملزمان کو گرفتار کر کے مقدمہ درج کرلیا۔

سرجائی ٹاؤن علاقے تیسئرٹاؤں لیاری نالہ ایریا کے علاقے میں گزشتہ روز 10 سالہ معصوم سے مبینہ اجتماعی زیادتی میں ملوث دو ملزمان اللہ رکھیو اور منیر بنگالی کو گرفتار کر لیا۔ پولیس نے بتایاکہ متاثرہ بچی کے والد نے پولیس کو بیان دیا کہ بچی کے ساتھ زیادتی کا واقعہ دو روز قبل پیش آیا تھا، متاثرہ بچی نے جمعے کے روز اپنی والدہ کو واقعے کے حوالے سے آگاہ کیا ، پولیس کے مطابق جس کے بعد والدین اور دیگر رشتہ دار بچی کو تھانے لیکر آئے۔پولیس نے فوری طور پر متاثرہ بچی کو میڈیکل کے لیے اسپتال منتقل کیا ہے اور بروقت کارروائی کرتے ہوئے رکشہ ڈرائیور و اسکے ساتھی ملزم کو گرفتار کرلیا۔