بیوی کی تلاش میں سرگرداں شوہر کوواٹس ایپ سٹیٹس پر ایسی ویڈیو نظر آگئی کہ ہوش اڑ گئے

نئی دہلی (قدرت روزنامہ) ایک 40 سالہ شخص کی بیوی کی گمشدگی کا معاملہ اُس وقت حیران کن رخ اختیار کر گیا جب شوہر نے اُسے تاج محل میں ایک اجنبی مرد کے ساتھ واٹس ایپ ویڈیو میں دیکھا۔ خبر رساں ادارے پریس ٹرسٹ آف انڈیا (پی ٹی آئی) کے مطابق شوہر شاکر نے اپنی بیوی انجم کی گمشدگی کی رپورٹ تھانہ روڑاور میں درج کروائی تھی۔
xشاکر نے پولیس کو بتایا کہ وہ 15 اپریل کو ایک شادی سے واپس آیا تو گھر بند تھا اور اس کی بیوی انجم اپنے چار بچوں کے ساتھ غائب تھی۔ ایس ایچ او شیو شنکر گپتا کے مطابق شاکر کا کہنا تھا کہ گھر سے زیورات اور دیگر قیمتی سامان بھی غائب تھا۔ محلے والوں نے بتایا کہ انجم بچوں کے ساتھ کسی کو اطلاع دیے بغیر چلی گئی تھی۔

xکئی دنوں کی تلاش کے بعد شاکر کے ایک رشتے دار کو ایک واٹس ایپ سٹیٹس ویڈیو میں انجم تاج محل میں ایک مرد کے ساتھ دکھائی دی۔ ویڈیو میں نظر آنے والے شخص کو شاکر نے فوراً پہچان لیا جو اُسی تجارتی علاقے سے تعلق رکھتا تھا جہاں وہ کام کرتا ہے۔ پولیس کے مطابق بظاہر لگتا ہے کہ انجم اور مذکورہ شخص کے درمیان تعلقات قائم ہو چکے تھے اور شاکر کی غیر موجودگی کا فائدہ اٹھاتے ہوئے دونوں نے بھاگنے کا فیصلہ کیا۔