ٹی ٹی پی سے متعلق مذاکرات ،عسکری ذرائع کا دو ٹوک موقف سامنے آگیا

اسلام آباد (قدرت روزنامہ)ریاست پاکستان کی شرائط پر مذاکرات ہوئے تو ٹھیک ورنہ فوج شدت پسندوں کے خاتمے تک لڑے گی، ٹی ٹی پی سے مذاکرات کا انحصار ریاست کی جانب سے طے کردہ شرائط اور ریڈ لائنز پر ہو گا جو تحریک طالبان کے سامنے رکھی جا چکی ہیں۔

حکومت پاکستان اور شدت پسند تنظیم تحریک طالبان پاکستان کے درمیان مذاکرات اور فائر بندی پر اپوزیشن کی جانب سے تنقید کے بعد عسکری ذرائع نے واضح کیا ہے کہ پارلیمانی کمیٹی کے اجلاس میں اس بات پر اتفاق ہوا ہے کہ ٹی ٹی پی سے مذاکرات کا انحصار ریاست کی جانب سے طے کردہ شرائط اور ریڈ لائنز پر ہو گا جو تحریک طالبان کے سامنے رکھی جا چکی ہیں۔

پارلیمانی کمیٹی کے اجلاس میں موجود ایک اعلیٰ فوجی اہلکار نے نام ظاہر نہ کرنے کی شرط پر بی بی سی کو بتایا کہ گذشتہ روز ہونے والا اجلاس ناصرف خوشگوار ماحول میں ہوا بلکہ اس بات پر فریقین کا اتفاق تھا کہ اگر مذاکرات ریاستی شرائط کے تحت نہ ہوئے تو فوج شدت پسندوں کے خاتمے تک اُن سے لڑے گی۔

پارلیمانی اجلاس کے بعد اپوزیشن کی جانب سے اٹھائے جانے والے سوالات کے بارے میں بی بی سی نے جب فوجی اہلکار سے پوچھا تو انھوں نے کہا کہ تمام سیاسی جماعتیں بشمول پیپلز پارٹی، پاکستانی فوج اور سوسائٹی دہشت گردی کا شکار رہے ہیں لیکن ہمیں یہ فیصلہ کرنا ہو گا کہ شدت پسندی کو کیسے ختم کیا جائے اور اس کے لیے بہتر موقع کیا ہو سکتا ہے۔

فوجی اہلکار کے مطابق یہ تمام سوالات اس بریفنگ میں بھی اٹھائے گئے جو سیاسی قیادت کو دی گئی جس میں مذاکرات کے حق اور مخالفت میں دلائل سامنے رکھے گئے جس کے بعد یہ بھی طے ہوا کہ ان مذاکرات کے دوران تمام سٹیک ہولڈرز سے مشاورت کی جائے گی جس پر سب شرکا نے اتفاق کیا۔ اعلی عسکری اہلکار نے یہ بھی کہا کہ ابھی مذاکرات کی ابتدا ہے اور ریاست کی جانب سے ریڈ لائنز کا تعین کیا جا چکا ہے۔

Recent Posts

’میری شادی میری مرضی‘، بلاول بھٹو کا میڈیا کے سوال پر دلچسپ جواب

اسلام آباد (قدرت روزنامہ)پاکستان پیپلزپارٹی (پی پی پی) کے چیئرمین بلاول بھٹو زرداری نے شادی…

2 mins ago

بیرسٹر سیف نے پی ٹی ایم جلسے کے حوالے سے خیبرپختونخوا حکومت کا لائحہ عمل ظاہر کردیا

اسلام آباد (قدرت روزنامہ)مشیر اطلاعات خیبرپختونخوا حکومت بیرسٹر محمد علی سیف کا کہنا ہے کہ…

46 mins ago

گمشدگی کا مخمصہ: پی ٹی آئی اراکین علی امین گنڈاپور کے دفاع سے گریزاں

اسلام آباد (قدرت روزنامہ)پی ٹی آئی کے بعض ارکان نے ڈی چوک احتجاج سے پراسرار…

57 mins ago

قیام پاکستان کے بعد پہلی بار زرعی آمدنی پر ٹیکس لگانے کا فیصلہ

اسلام آباد (قدرت روزنامہ)وفاقی حکومت نے قیام پاکستان کے بعد پہلی بار زرعی آمدنی پر…

1 hour ago

چیمپیئنز ٹرافی 2025 کے پاکستان سے باہر انعقاد پر غور جاری ہے، وکرانت گپتا کا دعویٰ

اسلام آباد (قدرت روزنامہ)بھارت کے اسپورٹس جرنلسٹ وکرانت گپتا نے دعویٰ کیا ہے کہ انٹرنیشنل…

1 hour ago

آئینی ترمیم کے لیے حکومت کے پاس ضمیر پر ووٹ لینے کا آپشن موجود ہے، بلاول بھٹو

اسلام آباد (قدرت روزنامہ)پاکستان پیپلزپارٹی (پی پی پی) کے چیئرمین بلاول بھٹو زرداری نے کہا…

1 hour ago