سبیکا امام کا اذان سمیع کے ایکٹنگ ڈیبیو پر طنز
گلوکار و اداکار کی قسمت پر جہاں شوبز ستارے اُن کے لیے خوشی کا اظہار کررہے ہیں تو وہیں ماڈل سبیکا امام نے ڈھکے چُھپے الفاظ میں اذان سمیع پر خوب تنقید کے تیر برسائے . سبیکا امام نے سماجی رابطے کی ویب سائٹ ٹوئٹر پر جاری کیے گئے پیغام میں لکھا کہ ’اب تو ایسا لگتا ہے کہ آپ کو اداکاری کی دُنیا میں اپنا ڈیبیو کرنے کے لیے تجربے کی ضرورت نہیں ہے کیونکہ آپ اسکرین پر سجل علی اور یمنیٰ زیدی کے ساتھ نظر آئیں گے . ‘ ماڈل نے طنزیہ انداز میں لکھا کہ ’مجھے بھی اتنی اچھی قسمت چاہیے کہ جہاں مجھے کسی چیز کے لیے محنت نہ کرنی پڑے بلکہ سب کچھ پلیٹ میں رکھ کر مجھے مِل جائے . ‘ اذان سمیع خان کی گلوکاری کے بعد اداکاری کے میدان میں انٹری سبیکا امام نے اپنے ٹوئٹ میں اذان سمیع کا نام تو نہیں لکھا لیکن اُن کے ٹوئٹ میں سجل اور یمنیٰ زیدی کا نام دیکھنے کے بعد یہ واضح ہوگیا ہے کہ اُنہوں نے ڈھکے چُھپے الفاظ میں گلوکار پر ہی تنقید کی ہے . واضح رہے کہ اذان سمیع پہلی بار اداکاری کریں گے جہاں وہ اداکارہ سجل علی اور یمنیٰ زیدی کے ساتھ نظر آئیں گے . ڈرامے کا نام ’عشق لا‘ ہے جس کی شوٹنگ اسلام آباد میں جاری ہے جبکہ ڈرامہ اگست کے ماہ میں نشر کیا جائے گا . عاطف اور سجل کے گانے کا ٹیزر جاری خیال رہے کہ اذان سمیع پاکستان کی میوزک انڈسٹری میں اُبھرتے ہوئے گلوکار اور موسیقار بھی ہیں . کچھ عرصے قبل ہی اذان سمیع نے اپنا میوزک البم لانچ کیا تھا جس میں 9 گانے ہیں سات اردو میں، ایک پنجابی اور ایک پشتو میں . . .
