گو ٹیم پاکستان ٗ امریکی سفارتخانہ بھی گرین شرٹس کی جیت کیلئے پرامید

اسلام آباد(قدرت روزنامہ)اسلام آباد میں امریکی سفارت خانے کا عملہ بھی ورلڈ ٹی ٹوئنٹی کے سیمی فائنل میں پاکستان ٹیم کی جیت کے لیے پرامید ہے . اسلام آباد میں امریکی سفارت خانے نے پاکستان اور آسٹریلیا کے سیمی فائنل مقابلے کی مناسبت سے ایک ویڈیو جاری کی ہے .

امریکی سفارت خانے کے ٹوئٹر اکاؤنٹ پر جاری ویڈیو میں سفارت خانے کے عملے نے سیمی فائنل مقابلے کے لیے پاکستان کرکٹ ٹیم کو سپورٹ کیا . سفارت خانے کی جانب سے ’گو گرین‘ کا ہیش ٹیگ استعمال کیا گیا اور ویڈیو میں موجود تمام عملے نے پاکستان ٹیم کی جیت کےلیے ’گو ٹیم پاکستان‘ کا نعرہ لگاتے ہوئے گرین شرٹس کی فتح کی امید ظاہر کی . . .