بنگلا دیش کیخلاف پہلے ٹی ٹونٹی کیلئے 12 رکنی پاکستانی ٹیم کا اعلان

لاہور (قدرت روزنامہ)بنگلا دیش کے خلاف پہلے ٹی ٹونٹی کے لیے پاکستان کی 12 رکنی ٹیم کا اعلان کردیا گیا ہے۔ بنگلا دیش کے خلاف 19 نومبر کو پہلے ٹی ٹونٹی میچ کے لیے پاکستان کی 12 رکنی ٹیم کا اعلان کردیا گیا ہے، قومی ٹیم کے کپتان بابراعظم نے پریس کانفرنس میں 12 رکنی ٹیم کا اعلان کیا، جس میں بابراعظم، محمد رضوان، حیدر علی، فخرزمان، شعیب ملک، خوش دل شاہ، محمد نواز، شاداب خان، محمد وسیم، حارث روف ، شاہین شاہ آفریدی اور حسن علی شامل ہیں ۔
بابراعظم کا کہنا ہے کہ ورلڈ کپ کے مومنٹیم کو جاری رکھ کر سیریز اپنے نام کرنا چاہتے ہیں ، اس سیریز کے بعد ویسٹ انڈیز کےخلاف میچز بھی ہیں، ہم کوشش کریں گے کہ بنچ پر موجود لڑکوں کو بھی ٹرائی کریں ، اس مرحلے پر کسی بھی ٹیم کو آسان نہیں لینا چاہتے۔ یاد رہے کہ پاکستان اور بنگلا دیش کے درمیان 3 ٹی ٹونٹی میچز کی سیریز 19 نومبر سے شروع ہوگی، دونوں ٹیموں کے تمام کھلاڑیوں کے کورونا ٹیسٹ منفی آ چکے ہیں اور گزشتہ روز دونوں ٹیموں نے پریکٹس بھی کی تھی۔