صدر مملکت آصف علی زرداری کا نیول ہیڈکوارٹرز کا دورہ ، سربراہ پاک بحریہ نےاستقبال کیا، آپریشنل تیاریوں پر تفصیلی بریفنگ

راولپنڈی( قدرت روزنامہ )صدر مملکت آصف علی زرداری نے نیول ہیڈکوارٹرز کا دورہ کیا ۔سربراہ پاک بحریہ ایڈمرل نوید اشرف نے صدر پاکستان کا استقبال کیا ۔

آئی ایس پی آر کے مطابق صدر مملکت کو پاک بحریہ کے چاک و چوبند دستے نے گارڈ آف آنر پیش کیا ،صدر آصف علی زرداری نے یادگار شہداء پر پھولوں کی چادر چڑھائی۔ نیول چیف نے صدر مملکت کو میری ٹائم سیکیورٹی صورتحال سے آگاہ کیا ۔صدر آصف علی زرداری کو پاک بحریہ کی آپریشنل تیاریوں اور ’’معرکۂ حق‘‘ میں کامیابیوں پر تفصیلی بریفنگ دی گئی ۔صدر نے “معرکہ حق” کے دوران پاک بحریہ کے بھرپور ردعمل اور غیر متزلزل عزم کو سراہا۔

آئی ایس پی کے مطابق صدر مملکت نے بھارتی جارحیت کے خلاف کامیابی سے دفاع پر پاک بحریہ کو مبارکباد دی،نیول چیف ایڈمرل نوید اشرف نے صدر کے دورے پر ان کا شکریہ ادا کیا ۔ ایڈمرل نوید اشرف نے اس عزم کا اظہار کیا کہ پاک بحریہ سمندری سرحدوں اور بحری مفادات کا دفاع جاری رکھے گی۔