ٹی ٹونٹی ورلڈ کپ میں آؤٹ آف فارم نظر آنیوالے حسن علی نے بڑا اعزاز حاصل کرلیا

لاہور(قدرت روزنامہ) ورلڈ ٹی ٹونٹی میں آؤٹ آف فارم نظر آنے والے پاکستانی کرکٹ ٹیم کے فاسٹ بولر حسن علی 2021ء میں سب سے زیادہ انٹرنیشنل وکٹیں حاصل کرنے والے بولر بن گئے ۔ بنگلادیش کیخلاف پہلے ٹی ٹونٹی میچ میں حسن علی نے تین وکٹیں حاصل کیں اور میچ کے بہترین کھلاڑی قرار پائے۔ پاکستان نے یہ میچ 4 وکٹوں سے جیتا۔

حسن علی نے ٹیسٹ ، ون ڈے اور ٹی ٹونٹی میں اس سال مجموعی طور پر 64 وکٹیں حاصل کی ہیں۔ اس کے علاوہ پاکستان کے شاہین شاہ آفریدی نے رواں برس اب تک 62 اور سری لنکا کے چمیرا نے 50 وکٹیں حاصل کی ہیں۔ جنوبی افریقی بولر تبریز شمسی نے بھی اس سال 50 انٹرنیشنل وکٹیں حاصل کی ہیں۔