زرمبادلہ کے ذخائر میں اضافہ؛ 40 ماہ کی بلند ترین سطح پر پہنچ گئے

اسلام آباد (قدرت روزنامہ)پاکستان اسٹیٹ بینک کے زرمبادلہ کے ذخائر میں اضافہ دیکھنے میں آیا ہے، جو تقریباً 40 ماہ کی بلند ترین سطح پر پہنچ چکے ہیں۔
اس ہفتے ذخائر کی یہ صورتحال حکومت کو موصول ہونے والے بڑے قرضوں کا نتیجہ ہے، جن میں کثیرالطرفہ (multilateral) اور تجارتی (commercial) قرضے شامل ہیں۔
انہی قرضوں کے باعث 30 جون 2025 کو ختم ہونے والے مالی سال کے اختتام پر مرکزی بینک کے ذخائر 14.51 ارب ڈالر تک پہنچ گئے، جو گزشتہ سال کے مقابلے میں 5.12 ارب ڈالر زیادہ ہے ۔
27 جون 2025 کو ختم ہونے والے ہفتے کے دوران، اسٹیٹ بینک کے ذخائر میں 3.66 ارب ڈالر کا اضافہ ہوا اور یہ 12.73 ارب ڈالر کی سطح پر آ گئے۔
ملک کے مجموعی زرمبادلہ کے ذخائر 18.09 ارب ڈالر تک پہنچ چکے ہیں، جن میں سے 5.36 ارب ڈالر کے ذخائر کمرشل بینکوں کے پاس ہیں۔