سلمان خان نے نئی فلم ’لانگ ڈسٹنس‘ میں معاونت کی، میرا کا دعویٰ

لا ہور (قدرت روزنامہ)اداکارہ میرا نے دعویٰ کیا ہے کہ ان کی نئی فلم ’لانگ ڈسٹنس‘ میں بھارتی اداکار سلمان خان نے ان کی مدد کی ہے۔
ڈان کے مطابق انسٹاگرام پر میرا کی جانب سے ایک پوسٹ شیئر کی گئی جس میں انہوں نے سلمان خان اور ان کے والد سلیم خان کا شکریہ ادا کیا جنہوں نے ان کی فلم ’لانگ ڈسٹنس‘ کا سکرپٹ پڑھا۔
میرا کے مطابق یہ سکرپٹ نہ دکھائی دینے والی سیاہی (Invisible Ink) سے لکھا گیا تھا۔اداکارہ کی جانب سے ایک اور پوسٹ بھی شیئر کی گئی جس میں انہوں نے اپنے قریبی دوست کیپٹن نوید کا شکریہ ادا کرتے ہوئے لکھا کہ کیپٹن نوید نے ہمیشہ ہر قدم پر ان کا ساتھ دیا اور فلمی منصوبوں میں ان کی بھرپور حوصلہ افزائی کی۔
میرا کی پوسٹ سے تاثر ملتا ہے کہ ان کی فلم ’لانگ ڈسٹنس‘ میں کیپٹن نوید اور ایمریٹس کی جانب سے ممکنہ معاونت فراہم کی گئی ہے۔
واضح رہے کہ ماضی میں میرا اور کیپٹن نوید کی شادی کی افواہیں بھی ہوتی رہی ہیں۔بعد ازاں میرا کی سوشل میڈیا پوسٹ نے انٹرنیٹ صارفین کو تجسس میں مبتلا کردیا اور اکثر افراد یہی جاننے کی کوشش کر رہے ہیں کہ میرا دراصل کہنا کیا چاہ رہی ہیں۔