بیرون ملک پاکستانیوں کی ای ووٹنگ کے لئےاقدامات نہ ہونے پراحتجاج کی دھمکی
الیکشن کمیشن کو جمع کرائی گئی یاداشت میں کہا گیا ہے کہ اس سے قبل 236 جون کو بھی الیکشن کمیشن کو آئی ووٹنگ کے حوالے سے یاداشت پیش کرچکے ہیں، الیکشن کمیشن آف پاکستان سمندر پار پاکستانیوں کو ووٹ کا حق دینے سے متعلق اقدامات 90 دن کے اندر کرے،اگر الیکشن کمیشن نے آئی ووٹنگ کے حوالہ سے اقدامات میں تاخیر کی تو ملک گیر احتجاج کریں گے . الیکشن کمیشن کے باہر میڈیا سے بات کرتے ہوئے چیئرمین پاکستان اوورسیز فورم چوہدری شاہد رانجھا کا کہنا تھا کہ ہم اداروں کا احترام کرتے ہیں اور الیکشن کمیشن کو یاددہانی کرانے آئے ہیں، اوورسیز پاکستانیوں کو ووٹ کا حق دینے پر وزیراعظم عمران خان کے شکر گزار ہیں، اوورسیز پاکستانی وزیراعظم کی محبت نہیں بھولیں گے،کچھ لوگ اوورسیز پاکستانیوں کے ووٹ کے حق کو سیاسی رنگ دے رہے ہیں . شاہد رانجھا نے کہا کہ الیکشن کمیشن 90 دن کے اندر اوورسیز پاکستانیوں کو ووٹ کے حق پر عملدرآمد کرے، ضمنی اور بلدیاتی انتخابات میں اوورسیز پاکستانیوں کو ووٹ ڈالنے کا حق دیا جائے، اس حوالے سے الیکشن کمیشن اوورسیز پاکستانیوں کو ووٹ کے حق کیلئے جو بھی میکنزم بنائے گا ہمیں قبول ہوگا . . .
