اب بہت ساری آڈیوز آئیں گی، ویڈیوز بھی آئیں گی، تہلکہ خیز پیش گوئی
منگل کو سندھ ہائی کورٹ میں پیشی کے بعد میڈیا سے گفتگو کرتے ہوئے منظور وسان نے کہا کہ دسمبر میں خطرات کا سامنا ہوتا ہے، کھچڑی پک رہی ہے، جسے کسی نتیجے پر پہنچنے میں 3 سے 6 ماہ لگ سکتے ہیں . انہوںنے کہا کہ نے کہا کہ حالات خراب ہیں، آگے جا کر اور بھی خراب ہوں گے، باہر سے کوئی آ سکتا ہے جس کا کام الیکشن کرا کے اقتدار منتقل کرنا ہو گا . 3 ماہ بڑے اہم ہیں، نواز شریف واپس آ سکتے ہیں، اب بہت ساری آڈیوز آئیں گی، ویڈیوز بھی آئیں گی . کچھ لوگ ملک کو کس طرف لے کر جا رہے ہیں، پتہ نہیں کیا ہو . اس سے قبل سندھ ہائیکورٹ میں آمدن سے زائداثاثے بنانے کی نیب انکوائری پر منظوروسان کی درخواست ضمانت کی سماعت ہوئی،عدالت نے ریمارکس میں کہا نیب نے عدالت میں کہاتھاانکوائری بندکی جارہی ہے، اس سے متعلق رپورٹ کیوں جمع نہیں کروائی . نیب پراسیکیوٹر نے بتایا انکوائری نیب سکھرمنتقل کی جارہی ہے، رپورٹ بھی سکھرمیں جمع کرادیں گے ، جس پرعدالت کا کہنا تھا کہ آپ کوانکوائری سے متعلق رپورٹ سندھ ہائیکورٹ میں پیش کرنی ہے . عدالت نے آئندہ سماعت پرانکوائری جاری رکھنے یابندکرنے سے متعلق جواب طلب کرتے ہوئے مزیدسماعت 24دسمبرتک ملتوی کردی . . .
