مریم نواز کا بڑے چینلز کے اشتہارات کنٹرول کرنا سنگین مالی بےضابطگی ہے
کہتی ہیں میں پارٹی کا میڈیا سیل چلا رہی تھی،اس اعترافی بیان کے بعد امید ہے وہ اپنی اور خاندان کی بیرون ملک جائیدادوں کا اعتراف بھی کر لیں گی،قوم چشم براہ ہے . واضح رہے مسلم لیگ ن کی مرکزی نائب صدر مریم نواز نے نے پریس کانفرنس کے دوران اپنی لیک آڈیو کے مصدقہ ہونے سے متعلق کہا کہ ہاں وہ میری آواز ہے، لیکن اشتہارات روکنے کی بات اس وقت کی جب میں پارٹی کا میڈیا سیل چلا رہی تھی . انہوں نے پریس کانفرنس میں مزید کہا کہ سابق چیف جسٹس ثاقب نثار کی ایک آڈیو آئی ہے ، میں نہیں جانتی سابق چیف جسٹس دوسری جانب کون صاحب ہیں سے گفتگو کررہے ہیں لیکن جیسی آڈیو منظر عام پر آئی اس کیساتھ پروپیگنڈا شروع ہوگیا حالانکہ آڈیو کی ایک نامور امریکی کمپنی سے فرانزک رپورٹ بھی ساتھ ہے انہوں نے واضح طورپر لکھا ہے کہ کسی طرح یہ آڈیو ایڈیٹ نہیں ہے، آڈیو کو جھوٹ ثابت کر نے کی دن رات کوشش شروع ہو گئی، ایک چینل کا کام صحافت ہے اور انہوں نے ایک ذمہ داری لے لی اور فرانزک آڈٹ بھی شروع کر دیا اس چینل کا شکریہ ادا کر نا چاہوں گی جب آڈیو سامنے آئی تو ثاقب نثار نے رد عمل دیا یہ تو آواز ہی میری نہیں ہے ، کسی پریشر کے تحت چینل نے جلدی جلدی میں کہہ دیا یہ ثاقب نثار کی آواز ہے اور مختلف تقاریر سے آڈیو بنائی گئی ہے سب سے پہلے چینل کا شکریہ ادا کرنا چاہتی ہوں کہ ثابت کر دیا کہ یہ آواز ثاقب نثار ہے ، پھر ثاقب نثار کو بھی یاد آگیا ہے ،آواز ان کی ہے اور توڑ جوڑ کر بنائی گئی اور آپ نے ثاقب نثار سے من وعن آواز انہی کی ہے . انہوںنے کلپ چلا کر ثابت کیا کہ یہ دو تین جملے فلاں تقریر سے اٹھائے ہیں اور تقریر بھی سنوا دیں ،میں بڑے ادب سے پوچھنا چاہتی ہوں کہ جو جملے سنوا دیں ہوسکتا وہ کوئی تکیہ کلام ہو ، جیسے عمران خان اپنی ہر تقریر میں کہتے ہیں آپ کو کچھ پتہ نہیں ، آپ نے گھبرانا نہیں ، سب سے پہلے آپ نے گھبرانا نہیں ، ہر روز تقریر کرینگے اور ہر روز یہی الفاظ استعمال کرینگے ،اگر وہ دو تین جملے جن کا اصل مدعے سے کوئی تعلق نہیں ہے یہ جملے ’’جو چارج شیٹ ہے ‘‘ جو گناہوں کا اعتراف ہے . . .
