کویت سٹی (قدرت روزنامہ) خلیجی ملک کویت نے 2 سال بعد وزٹ ویزا کا آن لائن اجراء دوبارہ شروع کردیا ۔ مقامی میڈیا کے مطابق کویت کی جانب سے کورونا وباء کے باعث روکے گئے وزٹ ویزا جاری کرنے کے آن لائن عمل کا آغاز 2 سال کے وقفے کے بعد ایک بار پھر کردیا گیا ہے ۔ روزنامہ الرای نے سکیورٹی ذرائع کا حوالہ دیتے ہوئے بتایا کہ وزارت داخلہ نے تقریباً دو سال کے وقفے کے بعد آن لائن ویب سائٹ کے ذریعے سیاحتی ویزوں کی فراہمی دوبارہ شروع کردی ہے ، یہ ویزا 53 ممالک کے شہریوں کے لیے اب آن لائن دستیاب ہے اور ملک میں آنے سے پہلے اسے حاصل کرنا ضروری ہے۔
بتایا گیا ہے کہ کویت آنے کے خواہشمند درخواست گزار کو سیاحتی ویزا کے حصول کے لیے دیے گئے طریقہ کار کے تحت درخواست جمع کرانا ہوگی ، ویکسی نیشن سرٹیفکیٹ بھی جمع کرانا ہوگا جب کہ ٹکٹ بک کرنے کے علاوہ فیس بھی ادا کرنی ہوگی جس کے بعد ’مائی امیونیٹی‘ ایپلی کیشن میں خود کو رجسٹر کرنا ہوگا ، اس رجسٹریشن میں پی سی آر سرٹیفکیٹ کا شامل ہونا بھی ضروری ہے ، اس کے بعد ہی مسافر کو فوری طور پر ملک میں داخل ہونے کی اجازت مل سکے گی۔
جن ممالک کو کویت کے سیاحتی ویزے جاری کرنے کی اجازت دی گئی ہے ان کی فہرست درج ذیل ہے:
سپین ، جرمنی ، اندورا ، یوکرائن ، آئرلینڈ ، آئس لینڈ ، آسٹریلیا ، ایسٹونیا ، پرتگال ، جمہوریہ چیک ، ڈنمارک ، سویڈن ، ویٹیکن ، برطانیہ ، ناروے ، آسٹریا ، ریاستہائے متحدہ امریکہ ، جاپان ، یونان ، اٹلی بیلجیم ، بلغاریہ ، بھوٹان ، برونی ، پولینڈ ، ترکی ، عوامی جمہوریہ چین ، ہانگ کانگ ، جمہوریہ ہنگری ، جارجیا ، رومانیہ ، سان مارینو ، سلوواکیہ ، سلووینیا ، سنگاپور ، سوئٹزرلینڈ ، سربیا ، فرانس ، فن لینڈ ، قبرص ، کروشیا ، کمبوڈیا ، کینیڈا ، جنوبی کوریا ، لٹویا ، لاؤس ، لتھوانیا ، لکسمبرگ ، لیختنسٹین ، مالٹا ، ملائیشیا ، موناکو ، نیوزی لینڈ اور ہالینڈ شامل ہیں۔
لاہور(قدرت روزنامہ) پاکستان تحریک انصاف کو ضلعی انتظامیہ نے جلو پارک میں جلسہ کرنے کی…
ملتان(قدرت روزنامہ) جے یو آئی کے سربراہ مولانا فضل الرحمان نے کہا ہے کہ عدلیہ…
اسلام آباد(قدرت روزنامہ)ملک میں ایک ہفتے کے معمولی اضافے کے بعدہفتہ وار مہنگائی کی شرح…
اسلام آباد(قدرت روزنامہ)سپریم کورٹ نے حکومت کی جانب سے جاری کیے گئے پریکٹس اینڈ پروسیجر…
اسلام آباد(قدرت روزنامہ)چیف جسٹس قاضی فائز عیسیٰ نے کہا ہے کہ تین چار کرائے کے…
اسلام آباد(قدرت روزنامہ) وزیراعلیٰ کے پی علی امین گنڈا پور نے لاہور جلسے میں پہنچنے…