اسلام آباد (قدرت روزنامہ)پاکستان ڈیموکریٹک کے سربراہ مولانا فضل الرحمن کی سخت شرائط نے پی ڈی ایم کے مستقبل کو خطرے میں ڈال دیا۔بول نیوز کو ذرائع نے بتایا پاکستان ڈیموکریٹک کے سربراہ مولانا فضل الرحمن نے مسلم لیگ ن کی قیادت کو حکومت سے چھٹکارا حاصل کرنے کیلئے اپنی شرائط پیش کردیں جس کے بعد مسلم لیگ ن کے قائد نوازشریف نے مولانا فضل الرحمان کی کڑی شرائط پر پارٹی رہنماﺅں سے مشاورت کیلئے رابطے تیزکردیے ہیں۔
ذرائع کا کہنا ہے کہ مولانا فضل الرحمان نے قائد ن لیگ نواز شریف کو پیغام میں کہا ہے کہ اب مزید دو رخی پالیسی بدلنا ہوگی۔ اب آر یا پار آپ نہیں ہم کریں گے۔
ذرائع نے بتایا کہ مولانا فضل الرحمن نے نواز شریف کو اپنے پیغام میں کہا کہ مسلم لیگ ن کو آئندہ سال مارچ کے اختتام سے قبل اسمبلیوں سے مستعفی ہونا ہوگا جبکہ ملک میں ہونے والے ضمنی اور بلدیاتی الیکشن کا بھی مسلم لیگ ن سمیت پی ڈی ایم کی تمام جماعتوں کو حصہ نہیں لینا چاہیے۔
ذرائع کا کہنا ہے کہ مولانا فضل الرحمان نے اپنی شرائط پرن لیگ سے 6 دسمبر تک جواب مانگ لیا ہے جبکہ پی ڈی ایم کی چھوٹی جماعتوں نے مولانا فضل الرحمان کی مکمل حمایت کی ہے۔دوسری جانب مولانا فض الرحمن کی کڑی شرائط پر ن لیگ کے سینئررہنماﺅں نے مؤقف اختیا رکیا ہے کہ بلدیاتی انتخابات کا بائیکاٹ کیا تو ن لیگ پنجاب سے فارغ ہو جائے گی۔ پنجاب میں تحریک انصاف ہی کے لوگ بلدیاتی اداروں میں بیٹھے ہوں گے۔ ہمیں کسی صورت ضمنی اور بلدیاتی الیکشن کا بائیکاٹ نہیں کرنا چاہیے۔
اسلام آباد (قدرت روزنامہ)تقریباً ایک سال کا عرصہ ہونے کو ہے، ملک میں پاسپورٹ بنوانے…
اسلام آباد (قدرت روزنامہ)چیئرمین پاکستان پیپلز پارٹی (پی پی پی) بلاول بھٹو زرداری نے کہا…
کوئٹہ (قدرت روزنامہ)صوبہ بلوچستان کے علاقے سریاب کوئٹہ میں جج کے ساتھ کورٹ روم میں…
اسلام آباد (قدرت روزنامہ)پریکٹس اینڈ پروسیچر ترمیمی آرڈیننس پر صدر مملکت آصف علی زرداری نے…
اسلام آباد (قدرت روزنامہ)جمعیت علما اسلام (ف) کے سربراہ مولانا فضل الرحمان نے کہا ہے…
اسلام آباد (قدرت روزنامہ)جمعیت علما اسلام (جے یو آئی) ف کے سربراہ مولانا فضل الرحمان…