نیب ہمیں نہیں چھیڑ سکتا اگر چھیڑا تو منہ کی کھانی پڑے گی ، فضل الرحمان
پی ڈی ایم سربراہ نے کہا کہ آج پارلیمنٹ یرغمال ہے، جس کے ذریعے حکومت الیکشن میں دھاندلی کے لیے قانون سازی کررہی ہے . انہوں نے کہا کہ ہم فاتح ہیں حکمران شکست زدہ ہیں ، ہم نے اسلام اور شریعت کو شناخت دینی ہے ، نیب ہمیں نہیں چھیڑ سکتا اگر نیب نے چھیڑا تو اسے منہ کی کھانی پڑے گی . مولانا فضل الرحمان نے کہا کہ پاکستان دنیا کے نقشے پر ریاست کی شکل رکھتا ہے، لیکن آج پاکستان کی آزادی چھینی جارہی ہے ، سندھ اور بلوچستان کے جزائر کے ملک وہاں کے لوگ ہیں، ہر صوبے کے لوگ اپنے وسائل کے مالک ہیں . دوسری جانب پاکستان ڈیموکریٹک موومنٹ (پی ڈی ایم) وفاقی دارالحکومت تک لانگ مارچ لے جاتے ہوئے اپنی احتجاجی تحریک دوبارہ شروع کرنے پر عدم فیصلہ اور تذبذب کا شکار ہے ، میڈیا رپورٹ میں بتایا گیا کہ پی ڈی ایم کے سربراہ مولانا فضل الرحمان اس بار ای فیصلہ کن حملہ چاہتے ہیں لیکن ان کے دیگر ساتھی ان کے اس خیال سے قطعی متاثر نہیں ہیں جس نے مولانا فضل الرحمان کو مایوس کر دیا ہے، مسلم لیگ ن بھی اُمید باندھے بیٹھی ہے کہ شاید ملک میں ابھرتی ہوئی صورتحال پی ڈی ایم کے لیے فائدہ مند ہو سکتی ہے یہی وجہ ہے کہ مولانا فضل الرحمان نے پی ڈی ایم کی سربراہی چھوڑنے پر بھی غور شروع کر دیا ہے ، مولانا فضل الرحمان اس بات پر خاصے عرصے سے رنجیدہ ہیں کہ پہلے بھی جب اتحاد میں 11 جماعتیں شامل تھیں اور اب صرف 9 جماعتیں ہیں . .
