کیا ڈالر 300 روپے کا ہو جائے گا ؟ پاکستانی روپیہ شدید دباؤ کا شکار

کراچی (قدرت روزنامہ)ملک بھر میں اوپن مارکیٹ اور انٹربینک میں غیر ملکی کرنسیوں کے نئے ریٹس جاری کر دیئے گئے۔ پاکستانی روپے کے مقابلے میں امریکی ڈالر کی قیمت میں معمولی اضافہ دیکھا گیا جبکہ دیگر بڑی کرنسیوں میں بھی معمولی اتار چڑھاؤ رپورٹ کیا گیا ہے۔

فاریکس مارکیٹ میں جاری کردہ اعداد و شمار کے مطابق اوپن مارکیٹ میں امریکی ڈالر کی خریداری کی قیمت 283.60 روپے جبکہ فروخت کی قیمت 284.10 روپے رہی۔ دوسری جانب انٹربینک میں ڈالر کی خرید 281.80 روپے اور فروخت 282.30 روپے پر ہوئی۔

برطانوی پاؤنڈ، جو عموماً ڈالر کے بعد دوسری اہم کرنسی تصور کی جاتی ہے، اوپن مارکیٹ میں 379.20 روپے خرید اور 380.70 روپے فروخت پر دستیاب رہا جبکہ انٹربینک میں یہ 377.67 روپے خرید اور 378.34 روپے فروخت پر ریکارڈ ہوا۔

یورو کی قیمت میں بھی معمولی بہتری دیکھی گئی اوپن مارکیٹ میں یورو 327.75 روپے خرید اور 329.20 روپے فروخت پر دستیاب رہا۔ انٹربینک میں یہی کرنسی 326.60 روپے خرید اور 327.18 روپے فروخت پر ٹریڈ ہوئی۔

سعودی ریال کی قیمت اوپن مارکیٹ میں 75.50 روپے خرید اور 75.65 روپے فروخت رہی جبکہ انٹربینک میں یہ شرح 75.09 روپے خرید اور 75.23 روپے فروخت ریکارڈ کی گئی۔

یو اے ای درہم کی قیمت اوپن مارکیٹ میں 77.20 روپے خرید اور 77.35 روپے فروخت رہی۔ انٹربینک میں اس کا تازہ ترین ریٹ جاری نہیں کیا گیا۔

مزید برآں دیگر کرنسیوں میں بھی معمولی رد و بدل دیکھنے میں آیا۔ کینیڈین ڈالر اوپن مارکیٹ میں 202.50 روپے خرید اور 207.50 روپے فروخت پر رہا جبکہ انٹربینک میں یہی کرنسی 202.55 روپے خرید اور 202.91 روپے فروخت پر دیکھی گئی۔

چینی یوان، آسٹریلوی ڈالر، کویتی دینار، بحرینی دینار اور قطری ریال سمیت دیگر کرنسیوں میں بھی ہلکی پھلکی تبدیلی دیکھنے میں آئی تاہم مجموعی طور پر کرنسی مارکیٹ میں استحکام کا رجحان غالب رہا۔

ماہرین کا کہنا ہے کہ ڈالر کی قیمت میں معمولی اتار چڑھاؤ عالمی مارکیٹ میں جاری معاشی حالات، خام تیل کی قیمتوں اور اندرونِ ملک مالیاتی پالیسیوں سے جڑا ہوا ہے۔ فاریکس ایکسچینج ریٹس میں یہ معمولی تبدیلیاں درآمدی قیمتوں، زرمبادلہ کے ذخائر اور مہنگائی کی شرح پر اثرانداز ہو سکتی ہیں۔