اسلام آباد (قدرت روزنامہ) پاکستان مسلم لیگ(ن) کی ترجمان مریم اورنگزیب نے کہا ہے کہ انشاءاللہ، اگلے الیکشن سے عمران صاحب کا کوئی تعلق نہیں ہوگا، الیکشن سے قبل عمران صاحب ملک چھوڑ کے جاچکے ہوں گے، الیکشن کمیشن کو فنڈز پارلیمنٹ نے دینے ہیں، یہ فنڈز عمران صاحب کی ذاتی جاگیر نہیں،ای وی ایم آئین قانون سے متصادم ہے، غنڈہ گردی نہیں چل سکتی۔
انہوں نے وزیراطلاعات فواد چودھری کے بیان پر اپنے ردعمل میں کہا کہ فواد چودھری صاحب صحیح کہا الیکشن کرانے کے پیسے دینے سے پہلے عمران صاحب ملک چھوڑ کے جا چکے ہوں گے تو پیسے کیسے دیں گے؟ انہوں نے کہا کہ اگلے الیکشن سے انشاءاللہ عمران صاحب کا کوئی تعلق نہیں ہوگا، اگلے الیکشن سے آٹا ، چینی ، بجلی گیس اور دوائی چور عمران مافیا کا کوئی تعلق نہیں ہوگا، الیکشن اور الیکشن اصلاحات غنڈہ گردی ،فسطائی، غیرجمہوری اور آمرانہ رویہ سے نہیں کی جاتی۔
انہوں نے کہا کہ فنڈز پارلیمنٹ نے دینے ہیں، قومی وسائل اور اداروں کے لئے فنڈز عمران صاحب کی ذاتی جاگیر نہیں، یہ کنٹینر نہیں جہاں بجلی گیس کے بل جلائے جائیں، آئینی اداروں سے غنڈہ گردی نہیں چل سکتی، ای وی ایم کو پارلیمنٹ، اپوزیشن ، عوام اور الیکشن کمشن مسترد کرچکے ہیں، ای وی ایم قانون آئین سے متصادم ہے۔ مریم اورنگزیب نے کہا کہ پارلیمنٹ کے مشترکہ اجلاس میں جو بل منظور کرائے گئے وہ کبھی پارلیمان کے کسی فورم پہ نہیں لائے گئے جو قوانین کی خلاف ورزی ہے، پارلیمنٹ کی تاریخ میں الیکشن اصلاحات کے قانون اِس طرح منظور نہیں ہوئے، کورونا فنڈ،بے نظیر انکم سپورٹ پروگرام اور صحت کارڈ میں بائیو میٹرک جو نہ کراسکے، وہ ای وی پر الیکشن کرانے کی بات کس منہ سے کررہے ہیں؟ ای وی ایم کی بات کرنے سے پہلے 1200 ارب کے کورونا ریلیف فنڈ میں دھاندلیوں اور چوری کا جواب دیں۔
کرا چی (قدرت روزنامہ) عالمی مارکیٹ کے زیراثر پاکستان میں ہفتہ وار بنیادوں پر فی…
اسلام آباد (قدرت روزنامہ)ملک میں بجلی چوری کے خلاف کریک ڈاؤن میں 118 ارب روپے…
ابوظہبی(قدرت روزنامہ) بالی ووڈ اسٹار ایشوریا رائے نے ہرجگہ اپنی بیٹی آرادھیا بچن کو ساتھ…
کراچی(قدرت روزنامہ) ٹی وی اینکر عامرلیاقت مرحوم کی سابق اہلیہ بشریٰ اقبال کا کہنا ہے…
اسلام آباد (قدرت روزنامہ )وزیر دفاع خواجہ آصف نے کہا ہے کہ افغانستان کی سرزمین…
اسلام آباد (قدرت روزنامہ)وزیراطلاعات پنجاب عظمیٰ بخاری نے راولپنڈی میں تحریک انصاف (پی ٹی آئی)…