اسلام آباد(قدرت روزنامہ)وزیراعظم عمران خان نے کہا ہے کہ پبلک اکاؤنٹس کمیٹی ممبران سے کرپشن سے متعلق کیسز کو ہائی لائٹ کرنے کی توقع ہے،سابقہ حکومت کی کرپشن کے کیسز کو منظر عام پر لایا جائے، موجودہ دور حکومت کی کرپشن کو بھی بے نقاب کریں، جو کوئی کرپشن کے معاملات پر مٹی ڈالنے کی کوشش کرے، مجھے بتائیں۔ تفصیلات کے مطابق وزیر اعظم سے پی اے سی ممبران کی ملاقات کی اندرونی کہانی سامنے آگئی ہے۔ ذرائع کے مطابق ملاقات میں پی اے سی ممبران نے کرپشن سے متعلق تمام معاملہ بیورو کریسی پر ڈال دیا۔ارکان کا کہناتھا بیوروکریسی کرپشن
کے معاملات پر سنجیدہ نہیں، جتنے کرپشن کے معاملات ہائی لائٹ کرتے بیوروکریسی دبا دیتی ہے۔تمام فائلز بیوروکریسی کے پاس سے گزرتی ہیں۔ ارکان نے کہا معاملات نیب کو بھجواتے وہاں بھی کرپشن کیسز پر کوئی بڑا قدم سامنے نہیں آتا۔ ذرائع کے مطابق ریاض فتیانہ اور نور عالم خان نے پی اے سی کی کارکردگی سے متعلق وزیراعظم کو بتایا۔ دوران ملاقات اظہار خیال کرتے ہوئے وزیراعظم کا کہناتھا آپ سب سینیر سیاستدان ہیں آپ سے کرپشن سے متعلق کیسز کو ہائی لائٹ کرنے کی توقع ہے۔ سابقہ حکومت کی کرپشن کے کیسز کو منظر عام پر لایا جائے۔موجودہ دور حکومت کی کرپشن کو بھی بے نقاب کریں۔کرپشن کو سپورٹ کرنے والے کسی سے رعایت نہ برتی جائے، وزیراعظم نے کہا جو کوئی کرپشن کے معاملات پر مٹی ڈالنے کی کوشش کرے، مجھے بتائیں۔ کرپشن کے خاتمے کی پالیسی سے کسی صورت پیچھے نہ ہٹیں۔ وز یر اعظم نے ارکان کو ہدایت کی کرپشن کرنے والا جو کوئی بھی ہے قانون کی گرفت میں لائیں۔ ذرائع کے مطابق پی اے سی اجلاس میں وزرا ء سے متعلق بیان والا معاملہ ڈسکس نہ ہوا۔ریاض فتیانہ نے پی اے سی میں اپنی کارکردگی سے متعلق وزیراعظم کو بتایا۔وزیراعظم ریاض فتیانہ کی بطور ممبر پی اے سی کارکردگی سے مطمئن نظر آئے۔
اسلام آباد (قدرت روزنامہ)پاکستان میں قانون نافذ کرنے والے اداروں نے حکومت اور ریاستی اداروں…
اسلام آباد (قدرت روزنامہ)بین الاقوامی مالیاتی فنڈ (آئی ایم ایف)کے ایگزیکٹو بورڈ نے 2024 آرٹیکل…
اسلام آباد (قدرت روزنامہ) پاکستان تحریک انصاف کے بانی چیئر مین عمران خان نے اڈیالہ…
اسلام آباد (قدرت روزنامہ)مسلم لیگ ن کے رہنما دانیال چوہدری نے کہا ہے کہ یروشیلم…
اسلام آباد (قدرت روزنامہ)اورنگی ٹاون کی طالبہ کے شناختی کارڈ کے اجرا کا معاملہ، متاثرہ…
اسلام آباد (قدرت روزنامہ)بین الاقوامی مالیاتی فنڈ (آئی ایم ایف) کے ایگزیکٹو بورڈ نے پاکستان…