اسلام آباد (قدرت روزنامہ) قومی اسمبلی میں قائد حزب اختلاف میاں شہبازشریف اور سربراہ پاک سرزمین پارٹی مصطفیٰ کمال کے درمیان ٹیلیفونک رابطہ ہوا ہے، دونوں رہنماؤں نے مہنگائی، ای وی ایم اور انتخابی اصلاحات سے متعلق حکومتی اقدامات پر مشاورت کی۔تفصیلات کے مطابق پاکستان مسلم لیگ ن کے صدر، اپوزیشن لیڈر میاں شہبازشریف اور پاک سرزمین پارٹی کے سربراہ مصطفیٰ کمال کے درمیان ٹیلیفونک رابطہ ہوا ہے، دونوں رہنماؤں نے قومی اور سیاسی صورتحال پر تبادلہ خیال کیا ہے، دونوں رہنماؤں نے ملک میں مہنگائی کی بدترین صورتحال پر تشویش کا اظہار کیا۔
شہبازشریف اور مصطفیٰ کمال نے ای وی ایم اور انتخابی اصلاحات سے متعلق بھی حکومتی اقدامات پر مشاورت کی۔
اپوزیشن لیڈر شہبازشریف نے کہا کہ عوام کے مفاد میں جمہوری قوتوں کو ایک پلیٹ فارم پر جمع ہونا ہوگا، حکومت چل نہیں رہی جبکہ عوام مہنگائی کی آگ میں جل رہے ہیں، تبدیلی سرکار نے عوام کا جینا تو درکنار مرنا بھی دشوار بنا دیا ہے، پاکستان کی مالیاتی شہہ رگ آئی ایم ایف کے کنٹرول میں دے دی گئی۔
سربراہ پی ایس پی مصطفیٰ کمال نے کہا کہ عوام کے حق کیلئے عوام دوست قوتوں کے مل کر چلنے سے اتفاق کرتے ہیں، دونوں رہنماؤں نے مستقبل میں رابطے جاری رکھنے اور قومی امور پر مل کر چلنے پر اتفاق کیا۔مزید برآں صدرن لیگ اور قائد حزب اختلاف شہبازشریف نے منی بجٹ مسترد کرتے ہوئے کہا کہ منی بجٹ لانے کے اعلان سے ثابت ہوگیا کہ قومی بجٹ کے موقع پر حکومت نے قوم اور کاروباری برادری سے جھوٹ بولا ،منی بجٹ لانے والے کہتے تھے کہ کوئی منی بجٹ نہیں آئے گا، عمران نیازی نے ایک اور یوٹرن لیا ہے ،یہ منی بجٹ نہیں، معاشی تباہی، مہنگائی کا سیاہ طوفان ہے جو پاکستان کی معیشت، صنعت ، روزگار اجاڑ دے گا ،منی بجٹ قومی معیشت کے تابوت میں آخری کیل ثابت ہوگا ۔
اسلام آباد (قدرت روزنامہ)وفاقی وزیرِ خزانہ محمد اورنگ زیب نے وفاقی حکومت کی 6 وزارتیں…
لاہور (قدرت روزنامہ) ٹک ٹاکر دانیہ شاہ کے دوسرے شوہر حکیم شہزاد نے اہلیہ کی…
لاہور (قدرت روزنامہ) پاکستانی ڈرامہ و فلم انڈسٹری کی خوبرو اداکارہ ہانیہ عامر نے اپنا…
کراچی(قدرت روزنامہ)امیر جماعت اسلامی پاکستان حافظ نعیم الرحمن نے کہا ہے کہ فلسطین کے دو…
بیروت(قدرت روزنامہ)اسرائیلی حملے میں جام شہادت نوش کرنے والے حزب اللہ کے سربراہ حسن نصر…
پشاور(قدرت روزنامہ) مولانا فضل الرحمٰن جمعیت علمائے اسلام (ف) کے بلامقابلہ امیر اور مولانا عبدالغفور…