پی ایس ایل 7 کا پہلا مرحلہ کب شروع ہوگا؟ تاریخ سامنے آگئی

(قدرت روزنامہ)پاکستان سپر لیگ کے ساتویں ایڈیشن کا پہلا مرحلہ 27 جنوری سے شروع ہونے کا امکان ہے جبکہ معاملات کو ایک دو روز میں حتمی شکل دینے کا فیصلہ کرلیا گیا ہے۔

خبر رساں ادارے کی رپورٹ کے مطابق پاکستان سپر لیگ کے ساتویں ایڈٰیشن کی ڈرافٹنگ لاہور میں ہی کرانے کا منصوبہ بنایا گیا ہے جبکہ پی ایس ایل 7 کا پہلا مرحلہ 27 جنوری سے شروع کرنے کا امکان ہے۔

رپورٹ کے مطابق چیئرمین پی سی بی رمیز راجہ سے پی ایس ایل 7 کے تمام معاملات کو جلد مکمل کرنے کی ہدایات کی ہیں جبکہ رمیز راجہ معاملات میں سست روی پر سخت ناخوش ہیں جبکہ اس حوالے سے روزنہ کی بنیاد پر میٹنگز کا سلسلہ بھی جاری ہے۔

واضح رہے کہ پی ایس ایل 7 کی ڈرافٹنگ کے لیے 8 دسمبر کی تاریخ دی گئی تھی جو تاخیر سے اب 15 دسمبر کو ہونے کو ہونے تجویز ہے جبکہ کھلاڑیوں کی رجسٹریشن اب مکمل ہوچکی ہے جس کے بعد ری ٹینشن اور ری ٹریڈنگ کا اعلان بھی متوقع ہے۔

یاد رہے کہ پی ایس ایل کے ساتھویں ایڈیشن کے میچز کراچی اور لاہور میں کروانے کا منصوبہ بنایا گیا ہے۔