کراچی(قدرت روزنامہ)کراچی شہر میں پولیس کی نااہلی کسی سے ڈھکی چھپی نہیں ہے، کئی ایسے واقعات موجود ہیں جس میں بے گناہ شہری اپنی جان سے ہاتھ دھو بیٹھتے ہیں۔ہماری ویب ڈاٹ کام کی اس خبر میں آپ کو ایسے والد
کے بارے میں ہی بتائیں گے جس کا بیٹا سندھ پولیس کی گولی کی نظر ہو گیا۔اورنگی ٹاؤن سے گزشتہ روز ایک خبر سامنے آئی تھی جس کے مطابق اورنگی ٹاؤن میں پولیس اور ڈاکوؤں میں مبینہ مقابلہ ہوا تھا، جس میں ایک ڈاکو کو ہلاک کرنے اور دوسرے کو زخمی کرنے کی اطلاعات سامنے آئی تھیں۔مگر اب خبر سامنے آئی ہے کہ وہ پولیس مقابلہ جعلی تھا، اور اس مقابلے میں مارا جانے والا نوجوان بھی ڈاکو نہیں بلکہ طالب علم تھا۔ جب والد کو بیٹے کے زخمی ہونے کی خبر ملی تو فورا اسپتال کو پہنچے جہاں انہیں بیٹے کے انتقال کی خبر ملی۔ارسلان محسود کے والد لیاقت محسود بیٹے کو دیکھتے رہے، ان کی آنکھوں میں آنسوتھے اور چہرے پر جوان بیٹے کی جدائی کا غم۔لیاقت محسود نے سینے پر پاکستانی پرچم لگایا ہوا تھا، مگر ان کے چہرے پر موجود افسردگی نے انہیں توڑ کر رکھ دیا تھا۔ سینے پر پاکستانی پرچم لگائے لیاقت محسود گھر کال کر کے بتاتے رہے جبکہ بیٹے کی طرف دیکھتے رہے۔لیاقت محسود کی جانب سے الزام عائد کیا گیا ہے کہ پولیس نے بنا کسی وارننگ کے بیٹے پر گولی چلائی ہے، جس سے اس کی موت واقع ہوئی ہے۔ والد نے بتایا کہ بیٹا کوچنگ سے گھر لوٹ رہا تھا کہ اس پر فائرنگ کی گئی۔ جبکہ انہوں نے خون کا بدلہ خون لینے کا اعلان بھی کیا ہے۔لیاقت محسود کراچی ڈمپرز ایسوسی ایشن کے صدر ہیں جبکہ حکمران جماعت تحریک انصاف کے مقامی رہنما بھی ہیں۔ارسلان محسود پر فائرنگ کرنے والے دونوں اہلکاروں کو حراست میں لے لیا گیا ہے جبکہ ایس ایچ او اعظم گوپنگ کو معطل کر کے اہلکاروں سمیت ایس ایچ او کے خلاف مقدمہ درج کر دیا گیا ہے۔
اسلام آباد (قدرت روزنامہ)گورنر خیبر پختونخوا فیصل کریم کنڈی کا کہنا ہے کہ اگر میرے…
ممبئی(قدرت روزنامہ) بالی ووڈ کے سپر سٹار سلمان خان نے خبر رساں ایجنسی ایشیا نیوز…
لاہور (قدرت روزنامہ) پاکستان تحریک انصاف کے کارکنان کی گرفتاریوں کے بعد مشتعل افراد نے…
اسلام آباد (قدرت روزنامہ) چیئرمین پی ٹی آئی بیرسٹر گوہر نے پاکستان تحریک انصاف کو…
لاہور (قدرت روزنامہ) وزیر اطلاعات پنجاب عظمیٰ بخاری نے پاکستان تحریک انصاف (پی ٹی آئی)…
اسلام آباد(قدرت روزنامہ)چیئرمین پاکستان پیپلز پارٹی (پی پی پی) بلاول بھٹو زرداری نے کہا ہے…