ن لیگ نےسارےکام صرف کاغذوں میں کیے، فواد چوہدری

(قدرت روزنامہ)فواد چوہدری کا کہنا ہے کہ ن لیگ نےسارےکام صرف کاغذوں میں کیے ہیں، ہم منصوبوں پرعملی طور پر کام کر رہے ہیں۔

وفاقی وزیر اطلاعات فواد چوہدری نے آرٹس کونسل آف پاکستان کراچی میں جاری چودھویں عالمی اردو کانفرنس میں شرکت کی اور خطاب کرتے ہوئے کہا کہ ن لیگ نے ماضی میں جوکچھ کیا سب جانتےہیں۔ ن لیگ، پی پی کتنے پانی میں ہیں کراچی والوں سے زیادہ کوئی نہیں جانتا۔

فواد چوہدری نے کہا کہ نوجوانوں کوشدت پسند بیانیے سے نکالنے کے لیے ثقافتی سرگرمیاں بے حد ضرری ہیں۔ ضروری ہے کہ شدت پسندی میں پھنسے نوجوان کو ایسی سرگرمیوں کا حصہ بنایا جائے۔ ہم نوجوانوں کیلئےکھیلوں کی سرگرمیاں شروع کر رہے ہیں۔

وفاقی وزیراطلاعات نے کہا کہ میرا شیڈول نہیں تھا لیکن جب مجھے معلوم ہوا کہ اردو کا اتنا بڑا میلہ سجا ہے تو رہ نہیں سکا کیونکہ سارے جہاں میں دھوم ہماری زبان کی ہے۔ اردو سب سے زیادہ بولی جانے والی زبان ہے۔ پوری دنیا میں ہماری زبان پہچانی جاتی ہے۔ ہمارے ڈراما، فلم اور شاعری کو بیان کرنے میں اردو بڑی معاون ثابت ہوتی ہے۔

ان کا کہنا تھا کہ ہم چاہتے ہیں کہ ہمارے شاعر ابھر کر سامنے آئیں۔ آرٹس کونسل کراچی داد کی مستحق ہے کہ جو اتنا بڑا ادبی میلہ سجا رکھا ہے۔ ہماری ثقافتی سرگرمیاں ہی ہماری بنیاد ہیں۔ ہمیں انہیں اصناف کا سہارا لینا پڑتا ہے۔ ہم آرٹس کونسل کی اس کانفرنس کی کامیابی کی دعا کرتے ہیں۔ 25 دسمبر کو کراچی میں گورنر ہاؤس میں جشن منایا جائے گا۔

انھوں نے مذید کہا کہ ہم چاہتے ہیں کہ نئے رائٹرزاورشاعرابھرکرسامنے آئیں۔ نئےلکھنے والوں کی حوصلہ افزائی کرنی چاہیے۔ ثقافتی میلے، اسپورٹس فیسٹیول اور دیگر سرگرمیوں کے انعقاد کیے جا رہے ہیں۔ ہم فلم انڈسٹری کو مضبوط کر رہے ہیں۔ ایک طرف ہم کہتے ہیں بے روزگاری ہے، وہیں ہمیں ہنر مند افراد نہیں مل رہے۔