سوئی سدرن گیس کا کراچی کو مہنگی ایل پی جی خریدنے کا مشورہ

کراچی (قدرت روزنامہ) سوئی سدرن گیس نے شہریوں کو مہنگی ایل پی جی خریدنے کا مشورہ دے دیا۔سوئی سدرن گیس نے آفیشل ٹوئٹر اکانٹ پر شہریوں کو ایل پی جی خریدنے کی راہ دکھا دی۔ شہریوں کو ایس ایس جی سی سے سلینڈر خریدنے کے لئے ہزاروں روپے ڈپازٹ کرانے پڑیں گے۔ایس ایس جی سی کے مطابق 11.8 کلو کے سلینڈر کے لئے 5 ہزار روپے ایڈوانس دینا ہوگا۔

10 کلو کے فائبر ایل پی جی سلینڈر کے لئے 4 ہزار 5 سو روپے ایڈوانس دینے ہوں گے۔ صرف اور صرف اپنے سلینڈر میں گیس فل کرتے ہیں۔ذرائع کا کہنا ہے کہ شہر میں گیس کی شارٹیج کے بعد سلنڈر کی مانگ میں بے پناہ اضافہ ہوا ہے۔ سب سے زیادہ رہائشی ایل پی جی سلینڈر کی ڈیمانڈ ڈیفنس اور کلفٹن کے علاقوں سے آ رہی ہے۔ کمرشل صارفین کی ایل پی جی ڈیمانڈ میں بھی تقریبا 100 فیصد اضافہ ہوا ہے۔ترجمان ایس ایس جی سی نے بتایا کہ شہر میں اس وقت گیس کی ڈیمانڈ 1225 ایم ایم سی ایف ڈی ہے۔ سپلائی 1029 ایم ایم سی ایف ڈی ہے۔ 196 ایم ایم سی ایف ڈی کا شارٹ فال ہے۔