احساس راشن میں شامل کریانہ مالکان کو ہر سیل پر سبسڈی کی رقم کے ساتھ 8فیصد کمیشن بھی دیا جائے گا، ڈاکٹر ثانیہ نشتر
اسلام آباد(قدرت روزنامہ)وزیراعظم کی معاون خصوصی برائے تخفیف غربت و سماجی تحفظ ڈاکٹر ثانیہ نشتر نے کہا ہے کہ اقتصادی رابطہ کمیٹی کی جانب سے احساس راشن رعایت میں کریانہ مالکان کےلئے8 فیصد کمیشن کی منظوری دے دی گئی ہے، احساس راشن میں شامل کریانہ مالکان کو ہر سیل پر سبسڈی کی رقم کے ساتھ 8فیصد کمیشن بھی دیا جائے گا .
جمعہ کو یہاں جاری بیان میں کہا گیا ہے کہ خصوصی راشن کمیشن کا مقصد پروگرام میں خدمات فراہم کرنے پرکریانہ مالکان کی حوصلہ افزائی ہے .
پروگرام پر عملدرآمد نیشنل بینک کے اشتراک سے ہو رہا ہے . کریانہ مالکان کوفی سہ ماہی گاڑیاں، موٹر سائیکل، موبائل فون و دیگر انعامات بذریعہ قرعہ اندازی دئیے جائیں گے . کریانہ مالکان کی رجسٹریشن بذریعہ ویب پورٹل ehsaasrashan.pass.gov.pkجاری ہے . ملک میں چھوٹے بڑے سب کریانہ مالکان پروگرام میں رجسٹر ہوسکتے ہیں . شمولیت کےلئے کریانہ مالکان کے لئے اپنا بینک اکاؤنٹ اور اینڈرائڈ فون ضروری ہے . نیشنل بینک کی شاخوں میں کریانہ مالکان کے بینک اکاؤنٹ کھولے جا رہے ہیں . . .
