ہانیہ عامر کی نئی تصاویر مداحوں کی توجہ کا مرکز بن گئیں

(قدرت روزنامہ)پاکستان کی معروف اداکارہ ہانیہ عامر کی نئی تصاویر سوشل میڈیا پر کافی گردش میں ہیں جن کو مداحوں نے بھی بہت پسند کیا ہے۔

ان تصاویر کو اداکارہ کی جانب سے اپنے سوشل میڈیا اکاؤنٹ پر بھی شیئر کیا گیا ہے۔

ان تصاویر میں اداکارہ کو مغربی طرز کے کالے لباس میں دیکھا جاسکتا ہے جبکہ ان کا میک بھی مغربی انداز میں کیا گیا ہے۔

انہوں نے گلے میں ڈائمنڈ کا ہار پہنا ہوا ہے جبکہ ان کے کان، کلائیاں اور انگلیاں بھی خالی نہیں دیکھائی دے رہی ہیں۔

دراصل اداکارہ کی یہ تصاویر ایک ڈائمنڈ جیولری کی تشہیر کے دوران لی گئیں ہیں ۔

ہانیہ عامر کی ان تصاویر کو مداحوں کی جانب سے بہت پسند کیا جارہا ہے اور یہ تصاویر سوشل میڈیا پر کافی تیزی سے وائرل بھی ہورہی ہیں۔