ریاض (قدرت روزنامہ) اومیکرون کے پھیلاو اور کرونا کے بڑھتے کیسز نے سعودی حکام کو تشویش میں مبتلا کر دیا، محکمہ صحت کے حکام نے بیرون ملک سفر کرنے اور سعودی عرب آنے والے مسافروں کیلئے ٹریول ایڈوائزری جاری کر دی۔ خلیج ٹائمز کی رپورٹ کے مطابق کئی ممالک میں کرونا کی اومیکرون کی قسم کے پھیلاو اور سعودی عرب میں کرونا کیسز میں اضافے کے بعد محکمہ صحت کے حکام نے سعودی شہریوں اور رہائشیوں کیلئے ٹریول ایڈوائزری جاری کی ہے۔
سعودی حکام نے سعودی شہریوں اور رہائشیوں سے اپیل کی ہے کہ سعودی عرب سے باہر غیر ضروری سفر سے گریز کیا جائے، خاص کر ایسے ممالک جو اومیکرون کے پھیلاو کے حوالے سے خطرناک قرار دیے گئے، ان ممالک کے سفر سے ہر ممکن طور پر گریز کیا جائے۔
بیرون ممالک سے سعودی عرب آنے والے افراد کو بھی خصوصی تلقین کی گئی ہے کہ وہ مملکت آمد کے بعد کچھ روز کیلئے سماجی میل جول سے گریز کریں۔
بیرون ممالک سے آنے والے سعودی شہریوں اور رہائشیوں نے بھلے ویکسی نیشن مکمل کروا رکھی ہو، پھر بھی کم از کم 5 دن کیلئے سماجی میل جول سے مکمل گریز کریں۔ اور اگر ان افراد کو طبیعت میں خرابی کی شکایت ہو تو پھر فوری کرونا پی سی آر ٹیسٹ کروائیں۔ بیرون ممالک سے سعودی عرب آنے والے افراد سے اپیل کی گئی ہے کہ وہ کرونا ایس او پیز پر بھی مکمل طور پر عمل کریں۔ یہاں واضح رہے کہ گزشتہ روز جاری کی گئی سعودی محکمہ صحت کی رپورٹ کے مطابق سعودی عرب میں یومیہ کرونا کیسز کی تعداد ڈھائی ماہ کی بلند ترین سطح پر پہنچ گئی تھی۔ سعودی عرب میں مسلسل ساتویں روز 50 سے زائد کرونا کیسز رپورٹ ہوئے۔ اس صورتحال میں شہریوں سے ہر ممکن احتیاط کرنے کی اپیل کی جا رہی ہے۔
ممبئی(قدرت روزنامہ) بالی ووڈ اداکارہ اروشی روٹیلا نے بھارتی کرکٹر ریشبھ پنت کے ساتھ تعلقات…
اسلام آباد(قدرت روزنامہ)وزیراعظم پاکستان میاں شہباز شریف نے کہا ہے کہ آئی ایم ایف سے…
لاہور ( قدرت روزنامہ ) وزیر اطلاعات پنجاب عظمیٰ بخاری نے گورنر پنجاب کے بیان…
اسلام آباد(قدرت روزنامہ) وفاقی کابینہ سے سپریم کورٹ پریکٹس اینڈ پروسیجر ترمیمی آرڈیننس 2024 کی…
اسلام آباد(قدرت روزنامہ)قومی اسمبلی میں قائد حزب اختلاف اور پاکستان تحریک انصاف (پی ٹی آئی)…
اسلام آباد(قدرت روزنامہ) اسپیکر قومی اسمبلی ایاز صادق نے الیکشن کمیشن کو خط لکھ دیا…