مکھن شوگر سے بچاؤ میں مدد گار ثابت ہوتا ہے، تحقیق

اسلام آباد (قدرت روزنامہ)ماہرین کی تحقیق کے مطابق مکھن کا استعمال شوگر سے بچاؤ میں مدد گار ثابت ہوتا ہے۔مکھن کے استعمال پر عام طور پر مختلف قسم کی اعتراضات کیے جاتے رہے ہیں اور کہا جاتا رہا ہے کہ مکھن کے استعمال سے نہ صرف دل کے دورے اور فالج کا خطرہ بڑھ جاتا ہے بلکہ یہ قبل از وقت موت کا باعث بھی بنتا ہے۔
اسی تناظر امریکا کی ٹفٹس یونیورسٹی میں کیے گئے ایک مطالعے میں ماہرین یہ کوشش کررہے تھے کہ فالج اور دل کے دورے سے مکھن کا کوئی تعلق دریافت کرلیں مگر اس میں انہیں مایوسی ہوئی۔ البتہ انہیں اس بات پتہچلا کہ مکھن ٹائپ ٹو ذیابیطس سے بچاؤ میں کسی حد تک مددگار ہے۔
مطالعے کے شریک مصنف کے مطابق ان کے نتائج سے یہی سامنا آیا کہ مکھن کو معمول کی غذا میں شامل رکھنے سے انسانی صحت پر کوئی منفی اثرات مرتب نہیں ہوتے۔ماہرین نے مزید کہا کہ ہمیں مکھن سے بلاوجہ خوفزدہ ہونے کی کوئی ضرورت نہیں، اور نہ ہی اسے غیر ضروری طور پر اچھا بناکر پیش کرنا چاہیے۔