اسلام آباد (قدرت روزنامہ) پاکستان نے افغان عوام کی مدد کیلئے 6 نکاتی فریم ورک کی تجویز پیش کر دی ۔ پاکستانی وزیر خارجہ شاہ محمود قریشی کی نے او آئی سی وزرائے خارجہ اجلاس میں افغان عوام کی مدد کیلئے6 نکاتی فریم ورک کی تجویز پیش کی جن میں کہاگیاکہ او آئی سی ممالک کو فوری طور پرافغان عوام کی مدد کرنا ہوگی، افغانستان میں تعلیم، صحت وتکنیکی شعبوں میں سرمایہ کاری کرناہوگی، یواین اور او آئی سی کا گروپ بنا کر افغانستان کو جائز بینکنگ سہولیات تک رسائی میں مدد دی جائے۔تیسری تجویز میں کہاگیاکہ افغان عوام کوخوراک
کی فراہمی و فوڈ سیکیورٹی کیلئے فوری اقدامات کیے جائیں۔چوتھی تجویز کے مطابق انسداد دہشتگردی و منشیات کے خاتمے کیلئے افغان اداروں کی استعدادکار بڑھائی جائے۔پانچویں تجویز دی گئی کہ افغانستان میں انسانی حقوق، خواتین و لڑکیوں کے حقوق کےافغان حکام کیساتھ انگیج کیا جائے۔تجو یز کہاگیاکہ افغانستان میں دہشتگردی کی روک تھام کے لیےافغان حکام سے مل کرکام کیاجائے۔علاوہ ازیں وزیر خارجہ شاہ محمود قریشی سے او آئی سی وزرائے خارجہ کونسل کے غیر معمولی اجلاس کے موقع پر آذربائیجان کے وزیر خارجہ جیہون بیراموف سے ملاقات کی جس میں دونوں وزرائے خارجہ نے متعدد شعبوں میں اعلیٰ سطح کی بات چیت اور بڑھتے ہوئے تعاون کے مثبت انداز پر اطمینان کا اظہار کیا۔ انہوں نے دوطرفہ تعلقات کو مزید گہرا کرنے کے طریقوں پر تبادلہ خیال کیا اور تجارتی اور اقتصادی روابط کو مزید فروغ دینے کی ضرورت پر زور دیا۔ وزیر خارجہ قریشی نے باکو میں حال ہی میں منعقدہ مشترکہ وزارتی کمیشن کے ساتویں اجلاس میں دوطرفہ اقتصادی تعلقات کو بڑھانے کے لیے کیے گئے اہم فیصلوں پر روشنی ڈالی۔ وزیر خارجہ نے کشمیر پر او آئی سی رابطہ گروپ کے قابل قدر رکن کی حیثیت سے آذربائیجان کی حمایت کو سراہا۔ انہوں نے کشمیریوں کے جائز اور جائز مقصد کے لیے آذربائیجان کی مستقل حمایت پر وزیر خارجہ بیراموف کا شکریہ ادا کیا۔ دونوں فریقوں نے علاقائی مسائل بالخصوص افغانستان کے عوام کی تکالیف کو کم کرنے کے لیے فوری انسانی امداد کی اہمیت پر تبادلہ خیال کیا۔ وزیر خارجہ قریشی نے او آئی سی کے غیر معمولی اجلاس میں شرکت پر وزیر خارجہ بیراموف کا شکریہ ادا کیا۔
برسبین(قدرت روزنامہ)پاکستان کرکٹ ٹیم کے کپتان محمد رضوان کا کہنا ہے کہ بہترین پلیئنگ الیون…
لاہور (قدرت روزنامہ) پی ٹی آئی رہنما صنم جاوید نے دعویٰ کیا ہے کہ سابق…
لاہور(قدرت روزنامہ)پاکستان کے فاسٹ باولر محمد عامر نے آسٹریلیا کیخلاف ون ڈے سیریز میں کامیابی…
کراچی (قدرت روزنامہ) سٹیٹ بینک آف پاکستان نے ملکی زرمبادلہ ذخائر کا ہفتہ وار ڈیٹا…
لندن(قدرت روزنامہ)وزیر دفاع خواجہ آصف نے لندن میں قتل کی دھمکی اور ہراساں کرنے کے…
اسلام آباد(قدرت روزنامہ) وزیراعظم شہباز شریف نے باران رحمت کے لیے قوم سے نماز استسقاء…