جلتی ہوئی عمارت کی پانچویں منزل سے لڑکوں نے اپنی جان کیسے بچائی؟ سوشل میڈیا پر دل دہلا دینے والی ویڈیو وائرل

اسلام آباد(قدرت روزنامہ)امریکی شہر نیویارک میں آتشزدگی کا شکار عمارت سے 2 نوجوان لڑکوں نے
پائپ کے ذریعے چھلانگ لگا کر اپنی جانیں بچائیں، دونوں لڑکے معمولی طور پر زخمی بھی ہوئے۔امریکی میڈیا کے مطابق نیویارک کے علاقے مین ہٹن میں واقع اس عمارت میں الیکٹرک بائیک کی بیٹریز کی وجہ سے آگ بھڑکی۔نیویارک فائر ڈپارٹمنٹ کے مطابق آتشزدگی سے 1 شخص ہلاک جبکہ 1 خاتون زخمی ہوئیں جنہیں اسپتال منتقل کردیا گیا، جلتی ہوئی منزل پر 2 لڑکے بھی پھنس گئے جو اپنی جان بچاتے ہوئے زخمی ہوئے۔سوشل میڈیا پر وائرل ویڈیو میں دیکھا جاسکتا ہے کہ ایک لڑکا پانچویں منزل کی کھڑکی سے لٹک رہا ہے، مذکورہ فلور پر گہرا سیاہ دھواں پھیلا ہوا ہے۔لڑکا برابر میں موجود پائپ تک پہنچ جاتا ہے اور اسی دوران دوسرا لڑکا کھڑکی تک آتا ہے۔ اسی دوران کھڑکی میں آگ بھڑکتی ہوئی دکھائی دیتی ہے۔دونوں لڑکے پائپ کے ذریعے پھسلتے ہوئے نیچے تک آتے ہیں جہاں ریسکیو عملہ فوری طور پر انہیں اپنی نگرانی میں لے لیتا ہے۔پائپ سے نیچے اترنے کی وجہ دونوں لڑکے معمولی طور پر زخمی بھی ہوئے ہیں جنہیں اسپتال منتقل کیا گیا ہے۔