مجھے کوئی بھی اختیارات اضافی نہیں ملے، مرتضیٰ وہاب

(قدرت روزنامہ)ایڈمنسٹریٹر کراچی، مرتضی وہاب کا کہنا ہے کہ مجھے کوئی بھی اختیارات اضافی نہیں ملے ہیں۔

مرتضیٰ وہاب نے فیڈرل بی ایریا میں پارک کی افتتاحی تقریب سے خطاب کے دوران کہا ہے کہ چائنا کٹنگ کے باعث تباہ پارکس کو بحال کر رہے ہیں، جن لوگوں نے بھی چائنا کٹنگ کی، ان کے خلاف کارروائی ہونی چاہیے، ہم کام کرنا چاہتے ہیں خدارا مخالفین کاموں کو لسانیت کا رنگ نہ دیں۔

نالوں پر سے تجاوزات ہٹانا مشکل کام ہے، مرتضیٰ وہاب

مرتضیٰ وہاب نے کہا کہ یہ کام متحدہ کےدوست کرسکتے تھے لیکن نہیں کیے گئے۔

انہوں نے کہا کہ 80 کروڑ روپے کی لاگت سے سڑک تعمیر کرنے جارہے ہیں، صنعتی علاقوں میں مہران ہائی وے پر کام چل رہا ہے، ماری پور روڈ پر کام سندھ حکومت نے مکمل کرلیا ہے۔

مرتضیٰ وہاب کا پی ٹی آئی سے متعلق بات کرتے ہوئے کہنا تھا کہ اللّٰہ پی ٹی آئی کو صحیح غلط کی تمیز دے، گورنر صاحب کی مرضی ہے وہ بلدیاتی بل پر دستخط کریں یا نہ کریں۔